Jol apatynan zardap shekken eki bala Atbasardan Kókshetaýǵa tikushaqpen jetkizildi

ASTANA. KAZINFORM – TJM «Qazavıaqutqarý» ushqyshtary sanıtarlyq avıatsııa dárigerlerimen birlesip, 2023 jáne 2016 jyly týǵan eki balany Atbasar qalasynan Kókshetaý qalasyndaǵy medıtsınalyq mekemege shuǵyl jetkizdi.

Ushý Atbasar aýdanynda bolǵan jol-kólik oqıǵasynan keıin júzege asyryldy.

- Ushqyshtar men dárigerlerdiń úılesimdi áreketteriniń arqasynda naýqastar mejeli jerge jedel ári qaýipsiz jetkizildi, - dep jazdy vedomstvodan.

Derekke qaraǵanda, TJM tikushaqtary qashyqtaǵy eldi mekender jaǵdaıynda da shuǵyl medıtsınalyq kómek kórsetýge árdaıym daıyn.

Aıta keteıik, buǵan deıin kúıik shalǵan bala tikushaqpen Kókshetaýǵa jetkizildi.