Jol apatyna mal sebep bolsa, ıesi jaýapqa tartyla ma — ІІM jaýaby
ASTANA. KAZINFORM — Eger jol boıynda júrgen mal kólik apatyna sebep bolsa, onyń ıesi qandaı jazaǵa tartylady? Bul saýalǵa Іshki ister mınıstrligi Ákimshilik polıtsııa komıteti tóraǵasynyń orynbasary Ǵalym Sarǵulov jaýap berdi.
— Ákimshilik kodekstiń eki baby bar, ol 633-bap jáne 408-bap. 408-boıynsha maldy baǵý, jaıý erejesin buzǵany úshin 3 aılyq eseptik kórsetkish (AEK) aıyppul salynady. Maldyń qatysýymen jol apaty bolsa, ol kezde polıtsııa qyzmetkerleri materıaldy jınap kólik ınspektsııasy men jergilikti ákimdikke joldaıdy, — dep qysqa qaıyrdy Ǵalym Sarǵulov ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin habarlaǵanymyzdaı, jyl basynan beri 2 myńǵa jýyq adam jol apatynan qaza tapty.
Sondaı-aq Іshki ister mınıstrligi jol apatyna jıi ákeletin jaıttardy atady.