Jol apatyna kináli júrgizýshiniń saqtandyrý kompanııasynan 1,7 mln teńge óndirildi

ASTANA. KAZINFORM - 2018 jyly azamat óz kóligimen qarsy jolaqqa shyǵyp ketken kámeletke tolmaǵan qyzdy qaǵyp ketken, soqqydan ony basqa kólik qaǵyp, jol-kólik oqıǵasynyń oryn alýyna sebep bolǵan.

Joǵarǵy sottan jazǵandaı, bir jyldan keıin jábirlenýshige úshinshi toptaǵy múgedektik sanaty belgilengen.

Jol-kólik oqıǵasyna (JKO) ushyraǵan kólikterdiń eki ıesi eki saqtandyrý kompanııasynda saqtandyrylǵan, jábirlenýshi saqtandyrý tólemin alý úshin ótinish bergen. Alaıda, oǵan bas tartylǵan.

Sondyqtan jábirlenýshi saqtandyrý kompanııalarynyń ústinen olardyń saqtandyrý tóleminen bas tartý týraly sheshimderin zańsyz dep taný jáne ony tóleýge mindetteý týraly talap qoıýmen sotqa júgingen.

Birinshi satydaǵy sot jáne apellıatsııa saqtandyrý jaǵdaıy bastalǵan kúnnen bastap 5 jyldan astam ýaqyt ótýine jáne ótkizip alǵan merzimdi qalpyna keltirý týraly ótinishhattyń bolmaýyna, jaýapkerdiń talap qoıý merzimin qoldanýyna baılanysty talap qoıýdy qanaǵattandyrýdan bas tartqan.

Sot jábirlenýshi óziniń buzylǵan quqyqtary týraly tek 2023 jyly jaýapkerlermen hat almasýdan keıin bilgenin anyqtady. Sondyqtan jergilikti sottar Joǵarǵy Sottyń «Saqtandyrý sharttarynan týyndaıtyn daýlar boıynsha sot praktıkasy týraly» normatıvtik qaýlysyna sáıkes eskirý merzimin durys qoldanbaǵan.

«Kólik quraldary ıeleriniń azamattyq-quqyqtyq jaýapkershiligin mindetti saqtandyrý týraly» zańǵa sáıkes jol-kólik oqıǵasy birinshi kólik júrgizýshisiniń kinásinen oryn alǵan. Demek, saqtandyrý kompanııasynyń dál birinshi avtokólikten bas tartýy zańsyz dep tanylyp, saqtandyrýdy tóleýge mindetti boldy.

Joǵarǵy Sot tómengi satydaǵy sottardyń sot aktilerin ózgertti: JKO-ǵa kináli saqtandyrý kompanııasynyń saqtandyrý tóleminen bas tartý týraly sheshimi zańsyz dep tanylyp, odan talap qoıýshynyń paıdasyna 1,7 mln teńge óndirildi», - dep jazdy vedomstvodan.