Jol apaty jıi bolatyn óńirler belgili boldy

Іshki ister mınıstrligi elimiz boıynsha jol apaty jıi tirkeletin aımaqtardy atady, dep habarlaıdy QazAqparat tilshisi.

«Bıyl elimizde jol apaty kórsetkishi tómendedi. Atap aıtqanda, jol kólik oqıǵalary 13%-ǵa , al apattan jaraqat alǵandar16%-ǵa azaıdy. Sonymen qatar jol apaty saldarynan qaza tapqan sany da azaıdy. Bizdiń mamandar 2 myńǵa jýyq adamnyń ómiri men densaýlyǵyn saqtap qaldy. Degenmen jol apatynyń azaıýyna qaramastan, Almaty qalasynda, Almaty, Jambyl, Túrkistan jáne Jetisý oblystarynda apat deńgeıi joǵary. Negizgi sebepterdiń biri – joldar men onyń ınfraqurylymdyq jaǵdaıy», - dedi Іshki ister mınıstriniń birinshi orynbasary Marat Qojaev Úkimet otyrysynan keıin BAQ ókilderiniń saýalyna jaýap bere otyryp.

Onyń aıtýynsha, statıstıkaǵa sáıkes jol-kólik apattarynyń 73% eldi mekenderde bolady.

«Sońǵy jyldary zamanaýı magıstraldar salynýda. Bul jol qaýipsizdigine oń áser etýde. Máselen, 15 jyl buryn jolda 4 myńnan astam adam qaza bolatyn, qazir 2 ese azaıdy. Al magıstraldyq tasjoldardyń jekelegen ýchaskelerinde ólim sany 6 ese qysqardy. Máselen, «Astana-Şýchınsk» tasjolyn birinshi sanatqa aýystyrǵannan keıin jol-kólik apaty saldarynan bolatyn adam shyǵyny jylyna 75-ten 12-ge deıin tómendedi. Bul jumysty jalǵastyrý kerek», - deıdi mınıstrdiń birinshi orynbasary.