Jol apaty kóp bolatyn jerlerge medıtsınalyq-qutqarý beketteri jaqyndatylady
ASTANA. KAZINFORM — Qazaqstanda jol apaty jıi bolatyn ýchaskelerge medıtsınalyq-qutqarý beketteri jaqyndatylýy múmkin. Bul týraly Úkimet otyrysynda Premer-mınıstr Oljas Bektenov tapsyrma berdi.
— Tótenshe jaǵdaılar mınıstrligi Densaýlyq saqtaý mınıstrligimen jáne ákimdiktermen birlesip, avtomobıl joldaryndaǵy apattyq jaǵdaılardy eskere otyryp, keıbir medıtsınalyq-qutqarý beketteriniń ornalasqan jerlerin qaıta qarasyn, — dedi Oljas Bektenov Úkimettiń búgingi otyrysynda.
Sonymen birge, Іshki ister mınıstrligine múddeli memlekettik organdarmen jáne ákimdiktermen birlesip, árbir óńir bólinisinde jol-kólik oqıǵalarynyń jaı-kúıine turaqty túrde taldaý júrgizý tapsyryldy.
— Jergilikti jaǵdaılardy eskere otyryp, kólik apattary kóp bolatyn ýchaskelerde jol qozǵalysyna qadaǵalaýdy kúsheıtip, qajetti sharalar qabyldaǵan jón. Oqý-aǵartý, Mádenıet, Týrızm jáne sport mınıstrlikteri men ákimdikter oqýshylardy túrli bilim berý, mádenı jáne sporttyq sharalarǵa jiberý kezinde olardy mindetti túrde polıtsııa qyzmetkerleriniń bastap júrýin qamtamasyz etsin, — dedi Premer-mınıstr.
Aıta keteıik, Qazaqstanda jańadan kólik júrgize bastaǵan azamattardy daıarlaý sapasyna talap kúsheıtiledi.
Buǵan deıin Kólik mınıstri eldegi jol apattarynyń basty sebebin ataǵan edi.
Sondaı-aq jalǵan tehbaıqaý ótkizgen ortalyqtar 3 jyl jumys isteı almaıdy.
