Jol apaty artady: ShQO-da júrgizýshilerge eskertý jasaldy

ÓSKEMEN. KAZINFORM – Shyǵys Qazaqstan oblysynda qysta jol-kólik oqıǵalarynyń sany artady. 

Byltyr qys kezinde óńir aýmaǵynda 1 100-den astam jol apaty tirkelip, sonyń saldarynan 48 adam kóz jumdy. 

Sondaı-aq jol-kólik oqıǵalarynan jaraqat alǵandar da kóbeıgen. Apattardyń jıileýine negizinen aýa raıy qolaısyzdyǵy sebep bolady.

– Sol úshin qys mezgilinde júrgizýshiler jol qozǵalysy erejelerin qatań saqtap, jyldamdyqty ruqsat etilgen shekten asyrmaýy qajet. Joldaǵy shekteýler týraly aqparattardy da nazardan tys qaldyrmaý kerek, - dedi ShQO polıtsııa departamenti ákimshilik polıtsııa basqarmasy bastyǵynyń orynbasary Igor Klıshın.

Aıta keteıik, ótken qysqy kezeńde óńirde aýa raıynyń qolaısyzdyǵyna baılanysty joldarda 120-dan astam qozǵalys shektelgen. 

– Jabyq turǵyn jol ýchaskelerine shyqqandarǵa QR ÁQBtK-niń 667-baby boıynsha jaýapkershilik qarastyrylǵan. Mundaı jaǵdaıda júrgizýshilerge 30 AEK mólsherinde aıyppul nemese 15 táýlikke deıin ákimshilik qamaýǵa alý jazasy qoldanylady, - dedi I.Klıshın.

Eske salsaq, osyǵan deıin Shyǵys Qazaqstanda qar kóshkinin erte eskertý júıesi engizilip jatqany habarlanǵan.