Jol aktıvteriniń ulttyq sapa ortalyǵy BAQ ókilderi arasynda konkýrs jarııalaıdy

NÚR-SULTAN. QazAqparat - «Jol aktıvteriniń ulttyq sapa ortalyǵy» RMK BAQ ókilderi, blogerler arasynda jol sapasynyń máseleleri men joldardyń sapasyn arttyrý taqyryptarynda úzdik jarııalanym boıynsha konkýrs jarııalaıdy, dep habarlaıdy QazAqparat tilshisi.

2020 jylǵy 7 qazannan 7 jeltoqsanǵa deıin baspa jáne elektrondyq BAQ – ta jaryq kórgen jol sapasynyń máseleleri men joldardyń sapasyn arttyrý taqyryptaryn jarııalaý boıynsha jumystar, sondaı-aq telesıýjetter (taqyryptyq telesıýjetter tsıkli), qabyldanady.

Konkýrsqa usynylatyn jumystardyń sany shektelmegen. Materıaldar tómendegi nomınatsııalar boıynsha memlekettik nemese orys tilderinde qabyldanady:

1) «Úzdik teledıdar materıaly»;

2) «Úzdik radıomaterıal»;

3) «Gazetter men jýrnaldardaǵy úzdik maqala»;

4) «Ǵalamtor-BAQ-taǵy úzdik jarııalanym».

Konkýrstyń qorytyndysy materıaldardy qabyldaý aıaqtalǵannan keıin shyǵarylady.

Baıqaýdyń qorytyndysyn shyǵarý kezinde qazylar alqasy kelesi talaptardy basshylyqqa alady:

1) belgilengen taqyrypqa sáıkestigi;

2) problemany taldaý tereńdigi;

3) mazmundaý stıli;

4) avtorlyq tujyrymdamanyń derbestigi.

«Materıaldar 2020 jylǵy 7 qazannan 7 jeltoqsan aralyǵynda jazylyp jáne jarııalanýy kerek. Jarııalanǵan materıaldardyń ishinde «Jol aktıvteri ulttyq sapa ortalyǵy» RMK týraly, atqaratyn qyzmeti jáne joldardyń sapasy týraly málimetter qamtylýy tıis»-delingen habarlamada.

Konkýrsqa qatysý úshin materıaldar [e-mail] elektrondyq poshtasy arqyly qabyldanady. Baılanys telefony: [phone]