Jol aktıvteri sapasynyń ulttyq ortalyǵynyń bas dırektory taǵaıyndaldy
ASTANA. KAZINFORM - Kólik mınıstrligi Avtomobıl joldary komıtetiniń tóraǵasy buıryǵymen «Jol aktıvteri sapasynyń ulttyq ortalyǵy» ShJQ RMK bas dırektory laýazymyna Serik Imashev taǵaıyndaldy.
Serik Imashev 1988 jylǵy 19 aqpanda dúnıege kelgen. Máskeý avtomobıl-jol memlekettik tehnıkalyq ýnıversıtetin «Avtomobıl joldary men áýejaılardy salý jáne jobalaý» mamandyǵy boıynsha «Bolashaq» halyqaralyq stıpendııalyq baǵdarlamasy aıasynda támamdaǵan. Sondaı-aq AQSh-tyń Nıý-Iork qalasyndaǵy Ambassador Academy-de Pre-Master dárejesin jáne Keele University ýnıversıtetinde MBA dárejesin alǵan.
Sondaı-aq birinshi deńgeıdegi jaýapkershilik obektileri boıynsha tehnıkalyq qadaǵalaý attestatyna ıe. Ońtústik Koreıada, QHR-da jáne Azııa damý banki jelisi boıynsha halyqaralyq oqytý jáne biliktilikti arttyrý baǵdarlamalarynan ótip, kólik saıasaty, kólik ınfraqurylymyn damytý jáne FIDIC 2017 kelisimsharttaryn qoldaný baǵyttary boıynsha bilimin jetildirgen.
Eńbek jolyn 2010 jyly Qazaqstan Respýblıkasy Kólik jáne kommýnıkatsııalar mınıstrliginiń Avtomobıl joldary komıtetinde bastaǵan.
Ár jyldary «Samuryq-Qazyna» AQ qurylymdarynda, «QazAvtoJol» UK AQ-da, sondaı-aq qurylys jáne ınjınırıng salasyndaǵy jeke sektorda jumys istegen.
Onyń jol-kólik salasynda 15 jyldan astam kásibı tájirıbesi bar, sonyń ishinde respýblıkalyq mańyzy bar iri ınfraqurylymdyq jobalardy iske asyrýǵa qatysqan.
«Balqash – Býrylbaıtal», «Qurty – Býrylbaıtal» jáne «Qaraǵandy – Balqash» strategııalyq mańyzy bar avtojol jobalaryn basqarǵan.
Serik Imashev tehnıkalyq saıasat, sapany baqylaý, kólik ınfraqurylymyn salý jáne jańǵyrtý salalarynda mol tájirıbege ıe. Sonymen qatar Ońtústik Koreıa, Qytaı elderinde jáne Azııa damý banki jelisi boıynsha halyqaralyq biliktilikti arttyrý baǵdarlamalarynan ótken.
Aıta ketelik Qyzylorda oblysy boıynsha ekonomıkalyq tergep-tekserý departamentiniń basshysy taǵaıyndalǵan edi.
