Jol aktıvteri sapasynyń ulttyq ortalyǵy BQO fılıalyna jańa basshy taǵaıyndaldy

ORAL. KAZINFORM — Rafıs Radıkuly Zınetov «Jol aktıvteri sapasynyń ulttyq ortalyǵy» RMK BQO fılıalynyń dırektory bolyp taǵaıyndaldy.

Jańa basshyny fılıal ujymyna óńirde jumys saparymen bolǵan «Jol aktıvteri sapasynyń ulttyq ortalyǵy» RMK bas dırektory Bolatbek Aıtbaev tanystyrdy.

Rafıs Zınetov – Aqtóbe kooperatıvtik kolledjiniń jáne Qazaq avtomobıl-jol ınstıtýtynyń túlegi. Avtojol salasyndaǵy eńbek ótili – 13 jyl. 

2023 jyldan naýryz aıynan búgingi kúnge deıin Qostanaı oblysyndaǵy fılıaldyń dırektory bolyp qyzmet atqardy. Ol qyzmet etken jyldarynda ózin bilikti maman, tájirıbeli basshy jáne kásibı jolshy retinde kórsete bildi.

Budan keıin Bolatbek Qoblanbekuly fılıal ujymymen kezdesip, zerthana jumysymen tanysty. Jol sapasyn qadaǵalaý baǵytyndaǵy jumystarǵa qatysty jańa basshy men ujym aldynda naqty mindetter júktedi.

Osyǵan deıin Batys Qazaqstanda osy qyzmetti atqarǵan Abylaıhan Erboluly Alshynbaev Qostanaı fılıalyna dırektor bolyp aýysty.