Jogorký Kenesh depýtaty: Áleýmettik máseleler, óńirlerdi damytý - árbir memleket úshin ózekti

NUR-SULTAN. QazAqparat - Áleýmettik máseleler jáne óńirlerdi damytý - kez kelgen memleket úshin ózekti másele. QR Prezıdenti Qasym-Jomart Toqaevtyń ulyqtaý rásiminde jarııalaǵan el damýynyń on baǵytyna qatysty osyndaı pikirdi Qyrǵyz Respýblıkasy Jogorký Keneshiniń depýtaty G.Asylbaeva bildirdi, dep habarlaıdy QazAqparat.

«Atalǵan baǵyttar dekoratıvti sıpatta emes, buryn qabyldanǵan strategııalyq baǵdarlamalardyń jalǵasy ekenin basa aıtqan jón. Bul rette, Qazaqstan basshysy birqatar negizgi basymdyqtardy, onyń ishinde jiti áleýmettik problemalardy jáne áleýmettik saıasatty jańartý sııaqty máselelerdi naqty sheshý qajet ekenin atap kórsetti. Jańa jumys oryndaryn ashý, turǵyn úı problemalaryn sheshý, ádil áleýmettik saıasat júrgizý - munyń bári kez kelgen memlekettiń birinshi kezektegi mindetteriniń biri bolyp tabylady. Oǵan qosa, Q.Toqaev óńirlerdi damytý máselelerin de nazardan tys qaldyrǵan joq. Onyń aıtýynsha azamattardy tolǵandyrǵan máseleler jergilikti deńgeıde sheshilýi tıis, óńirler qýatty bolsa Qazaqstan da qýatty bolady. Q.Toqaevtyń óńirlerdi damytý jónindegi tujyrymy Qyrǵyz Respýblıkasynyń Prezıdenti S.Jeenbekov jarııa etken Qyrǵyz Respýblıkasynyń óńirlerin damytý jáne tsıfrlandyrý strategııasymen ushtasyp jatyr. Shyndyǵyna kelgende, adamdardyń ótinishterine qulaq asý, olardy jergilikti jerlerde sheshý, azamattar aldynda turaqty túrde esep berý - bıliktiń negizgi mindeti», - dedi ol.

G.Asylbaevanyń atap ótýinshe, QR Prezıdentiniń ulyqtaý saltanaty kezinde jarııalaǵan basymdyqtary barynsha ońtaıly, ári durys baǵytta jáne qazirgi zaman talabyna saı keledi.

Foto: www.tazabek.kg