Joǵary jetistikterge jetetinime senimdimin- Kámıla Amanjolova
KÓKShETAÝ. QazAqparat - Bıyl Şýchınsk qalasynda qyzdar komandalary arasynda ótken basketboldan Qazaqstan Respýblıkasynyń qysqy chempıonatynda Aqmola oblysynyń qurama komandasy jeńimpaz, al, komandanyń ortańǵy sheptegi qorǵaýshysy Kámıla Amanjolova chempıonattyń úzdik oıynshysy atanǵan bolatyn. Qajymuqan atyndaǵy №3 oblystyq mamandandyrylǵan balalar men jasóspirimderdiń olımpıadalyq rezerv mektebiniń tárbıelenýshisi, órimdeı qyzdyń sportta baǵyndyrǵan bıiginen, baǵyndyrar bıigi kóp. QazAqparat tilshisi qazaq basketbolynyń úmiti Kamılamen suhbattasyp, áńgimege tartqan edi.
– Kámıla, suhbatymyzdyń álqıssasyn basketbolǵa qalaı kelgenińizden bastasaq…
– Basketbol oıynyna meni eshkim jetektep, bolmasa «mynaý jaqsy sport túri» dep alyp kelgen joq. Ózim júrek qalaýymen tańdadym. Biraq ta, osy oıyma eń alǵashqy jattyqtyrýshym Vıktorııa Volkova sebepker boldy. Ol mektepte oqyp júrgenimde basketbol sektsııasy týraly aıtyp, qyzdardy shaqyrdy. Ol jas ta bolsa, úlken tájirıbesi, ózindik taktıkasy bar jattyqtyrýshy. Jumysyna jaýapkershilikpen qaraıdy. Ol kisi meni sportshy retinde qalyptasýyma molynan eńbek sińirdi.
– Basketboldy tańdaǵanyna ata-anań qalaı qarady?
– Bastapqyda ata-anam onsha quptaı qoımaǵanymen, keıin aq jol tilep, ruqsatyn berdi. Qazir meniń kishkentaı jetistikterime osy kisiler birinshi bolyp qýanady. Meniń úıdegi bapkerlerim de, jankúıerlerim de osy kisiler. Olardyń aq batasy men jattyqtyrýshylarymnyń tálim-tárbıesiniń arqasynda osy sportta sheberligimdi shyńdaý ústindemin.
– Basketboldy tańdaǵanyńa ókinetin sátter bola ma?
– Ózimniń júrek qalaýymmen kelgen sportqa qalaısha ókinesiń. Árıne, bir sátte de ókinbeımin. Ózime bul sport túri qatty unaıdy. Qazirgi kezde basketbolǵa qyzyǵýshylyǵym artyp, jan dúnıem osy sportty qalap turady. Meniń sportta joǵary jetistikterden kórinýim de bálkim, osynyń arqasy shyǵar. Tipti, sharshaǵan ýaqytta da, basketbol oınap demalýǵa tyrysamyn.
– Jattyǵý ýaqyttary qalaı ótedi?
– Qazir kúnine 3 saǵattan aptasyna bes ýaqyt jattyǵý jasaımyz. Al beısenbi jáne jeksenbi kúnderi dem alamyz. Jattyǵý sergitýden bastalady jáne ár oıynshymen jeke jumys isteledi. Jattyǵýdyń sońynda biz taktıkalyq qatelikterdi taldaımyz.
– Jyl sanap el chempıonatynyń deńgeıi ósip keledi. ıAǵnı, básekelestik qalyptasýda. Bul týraly ne aıtasyz?
– Sport – ol jarys, básekelestikten turady. Básekelestik sportshynyń sheberligin shyńdaıdy. Básekelestik bolǵan jerde myqty sportshylar shyǵady. Kúndelikti eńbek pen jattyǵýlardyń arqasynda jetistikterge jetetinime senimdimin.
– Qazaqstan jastar quramasynyń sapynda oınadyńyz ba? Oınasańyz onda ulttyq quramanyń artyq jáne kemshin tustaryn aıtyp ótseńiz.
– Iá, oınadym. Jastar quramasynyń kóp oıyndarynda senimdilik pen ustamdylyqty joǵaltyp alamyz. Kemshiligimiz – sol. Men el quramasynyń aldaǵy baıraqty jarystarda jeńiske jetip, jeńis tuǵyrynan kórinetinine tolyq senimdimin. Óıtkeni, bizdiń elde sportty damytýǵa úlken kóńil bólinip jatyr. Jastardyń kóbi buqaralyq sportpen jappaı aınalysýda. Bul árıne, bizderdi qýantady.
– Úlgi tutatyn oıynshyń kim jáne ol saǵan nesimen erekshe?
– Maǵan argentınalyq kásibı basketbolshy Fakýndo Kampatstsonyń oıyn órnegi unaıdy. Onyń oıyn alańdaǵy qımyly men taktıkasy menikine óte uqsas.
– Komandańyz áıelder komandalary arasynda basketboldan Qazaqstan Respýblıkasynyń qysqy chempıonatynda jeńimpaz, al ózińiz úzdik oıynshy atandyńyz. Sol kezde qandaı áserde boldyńyz?
– Árıne, qýanyshymyzda shek bolmady. Bul birinshiden, el chempıonaty bolsa, ekinshiden, ózimizdiń oblysta uıymdastyryldy. Sol úshin namysqa tyrysyp baqtyq. Sport bolǵan soń, arqany keńge salýǵa bolmaıdy. Ár oıynǵa jaýapkershilikpen kelý kerek, ár kezdesý fınaldyq oıyn dep qabyldanýy tıis. Sonda ǵana jeńis seniń jaǵyńda. Qazirgi jattyqtyrýshylarymyz Tatıana men Vıktorııa Volkovalar da bizden osyny talap etedi.
– Esińizde erekshe saqtalǵan jeńis pen jeńilis bolǵan kezdesý týraly aıtyp ótseńiz.
– Men úshin eń este qalarlyq oıyn – «Kaspıı» komandasymen ótken kezdesý. Osy joly jeńilsek te, oıyn bizdi qýantty, óıtkeni, biz teń dárejede oınadyq.
– Áńgimeńizge rahmet. Sporttyq tabystar tileımin!
