Joǵary sotta ózin órtep jibermek bolǵan Olıfırenkonyń isi qaralady

ASTANA. QazAqparat - Joǵarǵy sot 2014 jylǵy 11 aqpanda V.Olıfırenkonyń ótinishi boıynsha Bas prokýrordyń narazylyǵyn qaraıdy, dep habarlaıdy QR Joǵarǵy sotynyń baspasóz qyzmeti

«QR Joǵarǵy sotyna jaýapker V.Olıfırenkoǵa qatysty Qaraǵandy oblystyq sotynyń apellıatsııalyq jáne kassatsııalyq sot alqalary shyǵarǵan sot aktileriniń kúshin joıý jáne odan kepilaqyny óndirip alý týraly azamattyq isti jańadan qaraýǵa apellıatsııalyq satydaǵy sotqa jiberý týraly QR Bas prokýrorynyń narazylyǵy kelip tústi. V.Olıfırenkonyń ótinishi boıynsha QR Bas prokýrorynyń narazylyǵyn qaraý jónindegi qadaǵalýshy sot alqanyń otyrysy 2014 jylǵy 11 aqpanda saǵat 10.00-ge taǵaıyndaldy», - delingen habarlamada.Eske sala keteıik, 2013 jyly 20 qyrkúıek kúni Vladımır Olıfırenko azamattyq sottyń sheshimine narazylyq tanytý maqsatynda Joǵarǵy sotqa kelip, óz-ózine órt qoıamyn dep qorqytqan. Kireberistegi esikti oryndyqpen bekitip tastaǵan ol, sómkesinen benzıni bar bótelkeni alyp shyǵyp, óziniń kıimine jáne edende tóselgen kilemge janarmaıdy quıyp jibergen. Keıin anyqtalǵanyndaı, ol Qaraǵandyda kólikti satyp alý jáne satý isine qatysty azamattyq sottyń sheshimimen kelispegendikten osyndaı iske barǵandyǵy anyqtaldy.

Degenmen, kópshilik aldynda bundaı arandatý jaǵdaı zańmen jazalanady jáne de sot aktilerin qaıta qaraýǵa negiz bola almaıdy.