Joǵary Sot Keńesi janyndaǵy Biliktilik komıssııasynyń emtıhanynan sýdıalyqqa úmitker 11 adam sátti ótti

ASTANA. QazAqparat - 2016 jylǵy 29-30 naýryzda Joǵary Sot Keńesiniń janyndaǵy Biliktilik komıssııasynyń sýdıalyqqa kandıdattardan biliktilik emtıhanyn qabyldaý jónindegi otyrysy ótti.

Emtıhan úsh kezeńnen turdy. Birinshi kezeńde sýdıalyqqa kandıdattyń teorııalyq daıyndyǵynyń deńgeıi kompıýterlik testileý sheńberinde tekserildi. Ekinshi kezeńde aýyzsha emtıhan barysynda kandıdattyń óz bilimin is júzinde qoldaný qabileti anyqtaldy, munda úmitkerler sýdıalyq praktıkaǵa qatysty tájirıbelik mysaldardy qarastyrdy. Úshinshi kezeńde sýdıalyqqa kandıdattyń psıhologııalyq portretin aıqyndaý maqsatynda psıhologııalyq testileý júrgizildi.

Otyrys qorytyndysy boıynsha sýdıalyqqa úmitker 11 adam biliktilik emtıhanynyń úsh kezeńinen sátti ótti.