Joǵary sanatty «Alataý» poıyzy júre bastady
ASTANA. Qyrkúıektiń 10-y. QazAqparat /Arman Asqarov/ - «Almaty - Máskeý» baǵytynda joǵary sanatty №7/8 «Alataý» poıyzy júre bastady,
dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.
Poıyzǵa tirkelgen barlyq vagondar tolyǵymen jóndelip jańartyldy. Osy jumysty atqarý barysynda vagondardyń qazirgi zamanǵa saı keletin ıntererine basa nazar aýdarylyp, ishki jáne syrtqy bezendirilýi jańa tehnologııalardyń negizinde atqarylyp otyr - plastık terezeler ornatylyp, jatyn oryndarynyń barlyǵy qymbat bylǵary materıaldarymen qaptaldy. Joǵary sanatty poıyzdyń qyzmet kórsetý sapasy da joǵary bolmaq. Árbir kýpe-vagondarda teledıdar men beınemagnıtofon qoıylyp, shaǵyn kitaphana men shahmat sııaqty oıyndardy ótkizýge múmkindik jasalǵan. Sondaı-aq poıyzda aqparattyq-tanymdyq radıohabarlardy júrgizý qarastyrylǵan.
