Joǵary oqý oryndarynyń lıtsenzııasyn qysqartý qolǵa alynatyn bolady - Bilim jáne ǵylym mınıstri
ASTANA. 6 jeltoqsan. QazAqparat / Rýslan Ǵabbasov / - Bilim berý sapasy tómen. Joǵary oqý oryndarynyń lıtsenzııasy kezeń-kezeńmen 3-4 jylda qysqartylady.
Bul týraly búgin Úkimette tehnıkalyq jáne kásibı bilim berý júıesinde sapany arttyrýdyń is-qımyl josparyn tanystyrý kezinde Bilim jáne ǵylym mınıstri Baqytjan Jumaǵulov málim etti.
«Bıylǵy jyly joǵary oqý oryndarynda syrttaı bilim berý kontıngenti 43 myń adamǵa tómendedi. Bul sharalar sapa men talaptardy arttyrý turǵysynda iske asyrylady. Alaıda bundaı qadamdar problemnyń júıeli sheshimine jetkiliksiz», -dedi mınıstr. Sondyqtan da mınıstrliktiń is-qımyl josparyna sáıkes joǵary oqý oryndary jelisin ońtaılandyrý jumystary qamtylmaq. «Zańnamalyq baza bul turǵyda bizde bar. Biraq ta joǵary oqý oryndaryn bir mezette qysqartý múmkin emes. Bilimdi tómen deńgeıde berip jatqan oqý oryndarynyń lıtsenzııasyn qaıtarý úshin sottyq sharalar qajettilik etedi. Sondyqtan da bundaı qysqartý kezeń-kezeńmen 3-4 jylda iske asyrylady», -dep atap ótti Baqytjan Jumaǵulov. Osy oraıda ol bilim berý oryndarynyń áleýetin arttyrý úshin joǵary oqý oryndaryn biriktirý, bilim berý sapasyn arttyrý sharalary yntalandyrylatynyn jetkizdi.
