«Joǵary oqý oryndarynyń aýyl mektepterin qoldaýy» jobasynyń VIIІ kezeńi ótýde
ALMATY. 9 qarasha. QazAqparat - Almatyda Halyqaralyq bıznes akademııasynyń Bilim berýdi damytý ınstıtýty «Elimizdiń joǵary oqý oryndarynyń aýyl mektepterin qoldaýy» jobasynyń VIIІ kezeńin ótkizýde.
5 qarashada bastalǵan bul shara erteń aıaqtalady. Baǵdarlama aımaqtarda bastaýysh jáne orta bilim berýdi damytýǵa qosqan HBA-nyń úlesi bolmaq. Osymen tórtinshi ret uıymdastyrylyp otyrǵan bul shara dástúrli túrde kúzgi jáne kóktemgi kanıkýl kezderinde ótedi. Oǵan aýyl mektebiniń pándi júrgizýshiler, aǵylshyn tiliniń muǵalimderi, mektep dırektorlary men oqý isiniń meńgerýshileri kelip otyr. Olar baǵdarlama barysynda «Qazaq tilin oqytýdyń jańa tehnologııalary», «Qazaq tilin oqytýdyń ınteraktıvtik ádisteri» atty semınarlar men «Qazaq tilin oqytýdyń ınnovatsııalyq ádisteri» taqyrybynda ótetin dóńgelek ústel májilisine qatysýda. Sondaı-aq Almatydaǵy qazaq tili men ádebıetin tereńdetip oqytatyn Abaı atyndaǵy mektep-ınternatty, Esik qalasyndaǵy mýzeı-qoryqty, arheologııalyq mýzeı men «Usta Dárkembaı» mýzeıin aralaıdy, qazaq jazýshylarymen kezdesedi jáne Abaı atyndaǵy opera jáne balet teatrynda bolyp, «Birjan men Sara» operasyn kóredi.
