Joǵary oqý oryndarynyń aqysy memlekettik grant baǵasynyń kóleminde bolýy qajet - Bilim mınıstri
ASTANA. 10 maýsym. QazAqparat - Joǵary oqý oryndarynyń aqysy memlekettik grant baǵasynyń kóleminde bolýy qajet.
Búgin BAQ ókilderine UBT nátıjesi boıynsha eksklıýzıvti suhbat bergen Bilim jáne ǵylym mınıstri Baqytjan Jumaǵulov osylaı málimdedi.
«Rasynda, elimizde keıbir joǵary oqý oryndaryndaǵy oqý aqysy kóterilip kele jatqany belgili. Bul negizinen oqytýshylardyń eńbekaqysyna, JOO bazasyn nyǵaıtýǵa qatysty bolyp otyr. Degenmen, bular kóp emes. Rektorlarmen kezdesý barysynda tólemaqyǵa qatysty oqýshylardyń jaǵdaılaryna nazar aýdarý, jeńildikter qamtý týraly tapsyrmalar berilip turady. Jalpy, tólemaqy granttyń baǵasynan tómen bolmaýy kerek edi. Bul saqtalyp otyrǵan joq. Bir sózben aıtqanda, oqý aqysy memlekettik grant baǵasynan tómen de, joǵary da bolmaýy qajet», - dedi B. Jumaǵulov.
Onyń sózine qaraǵanda, memlekettik granttyń belgilengen mólsheri ár ýnıversıtette ártúrli bolyp keledi. «Máselen, ultyq ýnıversıtetterde 600-700 myń teńgege barsa, basqa ýnıversıtetterde 300-400 myń teńge aralyǵynda», - dedi ol.
