Joǵary oqý oryndarynyń 2010 jylǵy reıtıngi jasaldy
ALMATY. Shildeniń 26-sy. QazAqparat /Erbol Azanbek/ - Qazaqstandyq bilim salasyndaǵy sapany qamtamasyz etý jónindegi táýelsiz agenttik elimizdegi joǵary oqý oryndarynyń 2010 jylǵy reıtıngin jarııa etti.
Reıtıngte oqý oryndary 5 atalym boıynsha bólingen. Birinshi kezekte tehnıkalyq joǵary oqý oryndary saralanǵan. Bul atalym boıynsha alǵashqy úshtikte Qazaq-Brıtan tehnıkalyq ýnıversıteti, Q.Sátbaev atyndaǵy Ulttyq tehnıkalyq ýnıversıteti men Ulttyq agrarlyq ýnıversıtet tur. Al kópsalaly joǵary oqý oryndarynyń kóshin Ál-Farabı atyndaǵy QazUÝ, L.Gýmılev atyndaǵy Evrazııa ulttyq ýnıversıteti, E.Bóketov atyndaǵy Qaraǵandy memlekettik ýnıversıteti bastaǵan. Gýmanıtarlyq-ekonomıkalyq oqý oryndary atalymynda QR Prezıdenti janyndaǵy memlekettik basqarý akademııasy, QMEBI, Qazaq gýmanıtarlyq-zań ýnıversıteti úzdik dep tanylǵan. Qaraǵandy memlekettik medıtsınalyq ýnıversıteti, S.Asfendııarov atyndaǵy QUMÝ, Astana medıtsına ýnıversıteti medıtsınalyq oqý oryndary reıtınginde úzdik shyqqan. Al óner salasyndaǵy oqý oryndary boıynsha Qurmanǵazy atyndaǵy ulttyq konservatorııa, Ulttyq óner ýnıversıteti, T.Júrgenov atyndaǵy ulttyq óner akademııasy reıtıng basynan kórinip otyr.
