Joǵary oqý oryndarynda zańgerlerdi daıarlaýdyń sapasyn arttyrý úshin zańgerlik qoǵamdastyqtyń áleýetin paıdalaný qajet - I.Merkel
ASTANA. 16 mamyr. QazAqparat - Joǵary oqý oryndarynda zańgerlerdi daıyndaýdyń sapasyn arttyrý úshin zańgerlik qoǵamdastyqtyń áleýetin paıdalanýǵa bolady.
Bul týraly búgin elordada ótip jatqan Qazaqstan Zańgerlerdiń І respýblıkalyq sezinde QR Bas prokýrorynyń orynbasary Iogan Merkel aıtty.
«Joǵarǵy oqý oryndarynda zańgerlerdi daıarlaýdyń sapasyn arttyrý úshin zańgerlik qoǵamdastyqtyń áleýetin paıdalanýǵa da bolady», - dedi ol.
I. Merkeldiń atap ótýinshe, atalǵan baǵyttaǵy oń tájirıbe AQSh-ta bar. Onda amerıkandyq zańgerler qaýymdastyǵy bilim berý sapasyna qoǵamdyq baǵa berip, quqyq salasynda bilim beretin joǵary oqý oryndaryna óz reıtıngisin qalyptastyrady.
«Bul usynylatyn bilimge tysqary beriletin baǵalaý bolǵandyǵyna qaramastan oqý mekemesi úshin barynsha mańyzdy ári mártebeli bolyp tabylady. Óıtkeni ol, joǵary oqý orny oqytýshylarynyń mártebesine áser etedi», - dedi ol.
Onyń paıymynsha, atalǵan shara ákimshilik áser etý arqyly emes, qoǵamdyq baqylaý jolymen zańgerlik bilim berýdiń sapasyn kóterýge múmkindik beredi.
