Joǵary oqý oryndarynda qoǵamdyq qabyldaý ortalyqtary jumys isteı bastady
Ol jerge stýdentter men oqytýshylar jańa ıdeıalary men usynystaryn joldap, ózderin qyzyqtyratyn suraqtaryna jaýap ala alady. Qoǵamdyq qabyldaý ortalyǵynyń basty maqsaty – aqparattyq ashyqtyqty qamtamasyz etý, stýdentter men oqytýshylardyń ózekti máselelerin sheshý, sondaı-aq olardyń senimin nyǵaıtý.
L.N. Gýmılev atyndaǵy Eýrazııa ulttyq ýnıversıtetindegi Qoǵamdyq qabyldaý ortalyǵynyń ashylý saltanatyna QR Ǵylym jáne joǵary bilim mınıstri Saıasat Nurbek qatysty.
«Memleket basshysy Qazaqstan halqyna Joldaýynda jalpyulttyq kelisimdi, bılik pen qoǵamnyń áriptestigin nyǵaıtýdy tapsyrdy. Joǵary oqý oryndaryndaǵy Qoǵamdyq qabyldaý stýdenttermen, ujymmen, qoǵammen tıimdi qarym-qatynas jasaý úshin qurylǵan. Bul basshylyqqa bilim alýshylarmen jáne olardyń ata-analarymen, akademııalyq qoǵamdastyqpen tyǵyz qarym-qatynas ornatýǵa jáne barlyq máselelerdi jedel sheshýge kómektesedi», – dep atap ótti mınıstr Saıasat Nurbek.
