Joǵary oqý oryndaryna derbestik berýge kóshý bastaldy
ASTANA. 20 tamyz. QazAqparat - Joǵary oqý oryndaryna avtonomııa berýge kóshý bastaldy. Bul týraly búgin Joǵary bilim berý kóshbasshylarynyń Eýrazııalyq forýmy barysynda QR Bilim jáne ǵylym mınıstri Baqytjan Jumaǵulov málim etti.
«Joǵary oqý oryndaryna derbestik berýge kóshý jáne olardy basqarýdyń júıesin ózgertý bastaldy. Bizdiń aldyńǵy qatarly oqý orny - Nazarbaev Ýnıversıteti tolyǵymen derbes jumys isteıdi. Atap aıtqanda bul álemdik ýnıversıtetterdiń qyzmetiniń negizgi ustanamy. Qazirgi kezde basqa joǵary oqý oryndaryna derbestik berý jumystary qarastyrylýda jáne ol 2014 jyldan bastap kezeń-kezeńimen júzege asatyn bolady», - dedi mınıstr.
Búginde 4 ulttyq ýnıversıtette ókilettiligi zańnamalyq túrde bekitilgen baıqaýshy keńester bar. Sonymen qatar qamqorshylyq keńesterdiń ókilettiligi qaıta qaralýda.
