Joǵary oqý oryndaryn ońtaılandyrý kelesi oqý jylynyń aıaǵyna deıin jalǵasady

Bul týraly búgin BNews.kz portalynda ótken on-laın konferentsııa barysynda Bilim jáne ǵylym mınıstri Baqytjan Jumaǵulov málim etti.

«Búgingi kúni biz Memleket basshysynyń Joldaýynan týyndaıtyn tapsyrmalardy júzege asyrý úshin aldymyzǵa birqatar mindetterdi qoıyp otyrmyz. Atap aıtqanda, elimizde ulttyq zertteý ýnıversıtetteri qyzmet etýleri jáne olardyń sany 3-ten aspaýlary da qajet. Jalpy, elimizde 9 ulttyq ýnıversıtet jáne eń kóp degende 40 basqa ýnıversıtetter bolýy tıis», - dedi B. Jumaǵulov. Sonymen qatar, mınıstr atalǵan ýnıversıtetter ǵylymı bazalarynyń, joǵary bilikti mamandarynyń bolýy arqyly ózderiniń mártebelerin naqtylaýlary tıistigin de atap ótti. «Eger bular ýnıversıtetterge qoıylatyn talapqa saı kelmese, onda ınstıtýt sanatyna aýystyrylady. Al solardyń arasynda joǵary oqý oryndary aldyna qoıylatyn ólshemderge múldem janaspaıtyndary kolledj mártebesine deıin tómendetiledi», - dedi B. Jumaǵulov.

Budan bólek, mınıstr aǵymdaǵy jyl barysynda atqarylǵan sharalarǵa qorytyndy shyǵarylatynyn atap ótti. Sonymen qatar, bundaı sharanyń birqatar ýaqytty qajet etetinine de nazar aýdardy. «Óıtkeni, ońtaılandyrýǵa jatatyn joǵary oqý oryndarynyń muǵalimderin de jumysqa ornalastyrý qajet, ondaǵy stýdantterdi de basqa bilim nysanyna aýystyrý kerek. Sondyqtan da, meniń oıymsha elimizde qolǵa alynǵan joǵary oqý mekemelerin ońtaılandyrý sharasy kelesi oqý jylynyń sońyna deıin jalǵasatyn bolady», - dedi B. Jumaǵulov.