Joǵary oqý oryndary ýaqyt óte kele jemqorlyqty joıýǵa májbúr bolady - D. Nazarbaeva
ASTANA. QazAqparat - QR Premer-Mınıstriniń orynbasary Darıǵa Nazarbaeva joǵary oqý oryndaryndaǵy jemqorlyq máselesin kóterdi.
«Oqytý sapasyn arttyrý talaptarynyń kúsheıýi áserinen joǵary oqý oryndary óz qataryn tazartýǵa májbúr bolady. Búgin akademııalyq ádildik týraly sóz qozǵadyq. Másele tek stýdentterde ǵana emes, sonymen qatar óz jumystaryn saýdaǵa, al zachet pen baǵany taýarǵa aınaldyrǵan professorlyq-oqytýshylyq quramǵa da kóp baılanysty. Bul bizdiń eldiń bedeline úlken nuqsan keltiredi, sonymen qatar osyndaı «jalǵan» dıplomdarymen ǵylym men bilimge, densaýlyq saqtaý, ekonomıka salalaryna keletin býynǵa da úlken zalalyn tıgizedi», - dedi ol búgin Astanadaǵy Sáken Seıfýllın atyndaǵy Qazaq Agrotehnıkalyq ýnıversıtetine jasaǵan sapary kezinde.
«Biz búgin ózimizdiń dárigerlerden qorqamyz, sebebi biz otandyq medıtsına mamandarynyń qalaı daıarlanatynyn bilemiz. Aýyl sharýashylyǵy joǵary oqý oryndaryn bitirgen qansha maman elimizdiń ekonomıkasyna qaıtyp keldi? Olardyń barlyǵy qaıda? Eshkim aýylda jumys istegisi kelmeıdi. Búginde áleýeti óte joǵary aýyl sharýashylyǵy salasy bar. Aýylda osy salany aıaqtan kóterýge yntasy bar jáne osynyń jolynda barlyǵyna barýǵa daıyn jas mamandarymyzdy daıyndaýymyz kerek», - dep atap ótti vıtse-premer.
