Joǵary oqý oryndary eldiń ınnovatsııalyq damýyna naqty úles qosyp, jańashyl jas mamandar daıarlanady - B.Jumaǵulov
TANA. 6 qyrkúıek. QazAqparat /Aıdar Ospanalıev/ - «Bilim men ınnovatsııalyq protsess adamı kapıtaldyń mańyzdy quramdas bóligi. Al bul baǵytta elimizde úlken ınstıtýtsıonaldy jańǵyrtý júrgizilýde»,-dedi búgin Bilim jáne ǵylym mınıstri Baqytjan Jumaǵulov Astanada ótip jatqan «Táýelsizdikke 20 jyl: Qazaqstan Respýblıkasyndaǵy adam kapıtalyn damytýdyń sapasy men bolashaǵy» atty halyqaralyq konferentsııada.
Onyń sózine qaraǵanda, «Ǵylym týraly» jańa zańda asa kórnekti qazaqstandyq jáne sheteldik ǵalymdardyń qatysýymen qurylatyn Ulttyq ǵylymı keńester sııaqty túbegeıli jańa ınstıtýttar engizilip jatyr. Sonymen qatar elde memlekettik ǵylymı - tehnıkalyq saraptama ulttyq ortalyǵy qurylýda. «Oǵan da elimiz ben sheteldik sarapshylar qatysady. Buǵan qosa granttyq jáne bazalyq qarjylandyrý júıesi engizilýde. Óte mańyzdy jańalyqtyń
biri sheshim qabyldaýdyń ákimshilik jáne ǵylymı vertıkalin naqtylaý. Osynyń bári qazaqstandyq ǵalymdardyń deńgeıin kóterýge, shyǵarmashylyq belsendiligin kúsheıtýge jáne ǵylymnyń ekonomıka men qoǵamnyń damýyna qosatyn úlesin arttyrýǵa baǵyttalǵan»,-dedi mınıstr.
Sondaı-aq ol sózinde Memleket basshysynyń «jańashyl, oılaý qabileti joǵary mamandardy daıarlaýǵa nazar aýdarý» týraly tapsyrmasyn iske asyrý maqsatynda «ınnovatsııaǵa baǵdarlanǵan joǵary oqý oryndary» degen jańa ınstıtýtsıonaldy uǵym engizilip jatqandyǵyn atap ótti. «Mundaı joǵary oqý oryndaryna konkýrstyq negizde memleket tarapynan qoldaý kórsetiletin bolady. Taǵy bir úlken ózgeris, memlekettik joǵary oqý ornyna ınnovatsııalyq kásiporyn qurý quqyǵyn berý. Osylardyń negizinde biz eki mindetti qatar sheshemiz. ıAǵnı, joǵary oqý oryndary eldiń ınnovatsııalyq damýyna naqty úles qosyp, jańashyl jas mamandar daıarlanady»,-dedi B.Jumaǵulov.
