Joǵary oqý ornynyń oqytýshylary artyq qaǵaz júktemeden arylady - Bilim mınıstrligi

NUR-SULTAN. QazAqparat - Mektep basshysy men basshynyń orynbasarlary toltyratyn mańyzdy qujattardyń da naqty tizimi belgilendi, artyq qujattyń esh qajeti joq. Bul týraly Bilim jáne ǵylym mınıstri Ashat Aımaǵanbetov óziniń facebook paraqshasynda aıtty, dep habarlaıdy QazAqparat.

«Kolledj pedagogteri toltyratyn qujattar tizimi de bekitildi. Olar jyldyń basynda jumys isteýge arnalǵan oqý baǵdarlamasyn quryp, kúntizbelik-taqyryptyq jospar jasaıdy, al kún saıyn sabaq josparyn ázirleıdi, teorııalyq, óndiristik oqytý jáne jeke sabaqtardy esepke alý jýrnaldaryn toltyrady.

Eger pedagog kýratordyń qyzmetin atqarsa, taǵy bir qujat qosylady.

Shamadan tys esep berý kórsetkishin túbegeıli azaıtýǵa qatysty naqty jumystar mektepke deıingi jáne joǵary bilim berý deńgeıleri boıynsha da júrgizilip jatyr. Joǵary oqý oryndarynyń oqytýshylary da qajetsiz qaǵaz júktemesinen arylady. Qazirgi ýaqytta BǴM tarapynan normatıvtik qujattarda kórsetilgen baqylaýdyń júrgizilýine qatysty toltyrylatyn qujattar tizimi qaıta qaralyp jatyr. Basym bóligin alyp tastaý týraly sheshim qabyldandy. Máselen, kafedranyń jumys jospary, komıssııanyń hattamasy, qyzmettik oqý jospary syndy qujattar bizge qajet emes», - dedi mınıstr.

Eske salsaq, Bilim jáne ǵylym mınıstri Ashat Aımaǵanbetov pedagogterdiń shamadan tys esep berý máselesin túbegeıli sheshýdi egjeı-tegjeıli túsindirgen bolatyn.