Joǵary oqý ornyn tonaǵan urylar ustaldy - Almaty ІІD
ALMATY. 5 qyrkúıek. QazAqparat /Ádilet Musahaev/ - Sabaq bastalǵan alǵashqy kúnderi Almatynyń Almaly aýdanynda ornalasqan joǵary oqý ornynyń biriniń oqý bólmesinen kompıýter jabdyqtary urlandy, dep habarlaıdy qalalyq ІІD-niń baspasóz ortalyǵy.
«Túngi ýaqytta beıtanys bireýler oqý ǵımaratyna enip, ondaǵy bólmelerdiń biriniń esigin buzyp, ishindegi quny 200 myń teńgeden asatyn kompıýterlik buıymdardy alyp ketken. Zattyń urlanǵanyn oqý orynnyń qyzmetkerleri tańǵy saǵat 9-da biraq ańǵarǵan, ári polıtsııaǵa habar bergen. Mamandar urylardyń óte eptilikpen jumys istep, esiktiń qulpyn buzǵanda arnaıy kiltterdi paıdalanǵandyǵyn aıtady», -deıdi Almaly aýdany ІІB-nyń bastyǵy polıtsııa polkovnıgi Talǵat Seıilhanov.
Eki kún ótisimen krımınaldy polıtsııa qyzmetkerleri bul qylmystyq oqıǵany moıyndap, barlyq tehnıkalyq buıymdardy qaıtaryp bergen Úshtóbe qalasynyń eki turǵynyn ustaǵan. «Tergeý barysynda olar bul urlyqtyń aldyn-ala josparlanǵanyn jetkizdi. Olar kúzetshiniń nazaryna ilikpes úshin ádeıi jeke bólmeni tańdap alǵan. Biraz kún ótisimen qaskúnemder tonalǵan zattardy satpaq bolǵan. Alaıda tártip saqshylarynyń qolyna tústi. Olar buryn esh qylmystyq jaýapqa tartylmaǵan jáne esh jerde jumys istemegen. Almatyǵa qaı ýaqytta kelgendikteri tergeý jumystary barysynda anyqtalatyn bolady. Ázirge bul ekeýi de ýaqytsha oqshaýlaý bólmesine qamaldy», -deıdi polkovnık Seıilhanov.
