«Joǵary mektep menedjmenti» kýrsy QR joǵary oqý oryndaryn basqarýdyń mánin aıqyndaýǵa múmkindik berdi - Á.Іńkárbekuly
ALMATY. 9 maýsym. QazAqparat /Ádilet Musahaev/ - QazUÝ-da ótken «Joǵary mektep menedjmenti» kýrsy Qazaqstan Respýblıkasy joǵary oqý oryndaryn basqarýdyń máni men búgingi máselelerin aıqyndaýǵa múmkindik berdi.
Bul jaıynda M.H. Dýlatı atyndaǵy TarMÝ Ǵylymı baǵdarlamalar ortalyǵynyń bastyǵy Ázbergen Іńkárbekuly «Qazaqstan Respýblıkasy Joǵary mektep menedjmentiniń qazirgi jaǵdaıy men máseleleri» atty dóńgelek ústel barysynda aıtty.
Bul kýrsqa 30 mamyrdan búginge deıin elimizdiń ár óńirinen kelgen 27 tyńdaýshy qatysqan bolatyn.
Á.Іńkárbekuly bul shara erteńgi kúni eýropalyq jáne dúnıejúzilik bilim berý keńistiginde JOO tabysty is atqarý úshin Ál-Farabı atyndaǵy QazUÝ úlgisin negizge ala otyryp, menedjment máselesin qalaı qoıý kerek degen suraqty sheshýge baǵyt bergendigin aıtady. Sonymen qatar ol menedjmenttiń álemdik úlgidegi jańa qyrlarymen tanysyp, ózara tájirıbe almasýǵa múmkindik jasalǵandyǵyn jetkizdi.
Al, QazUÝ Biliktilikti arttyrý ınstıtýtynyń dırektory Barlyq Shaıkenov kýrs barysynda QazUÝ-dyń menedjment jaǵdaıymen tanystyryp, áriptesterimizben tájirıbe bóliskendigin jetkizdi. "Elimizdiń JOO-y QazUÝ-dy otandyq bilim jáne ǵylym salasynyń kóshbasshysy retinde qabyldap, ózderine úlgi etip alady. Osyny eskerip, ýnıversıtette ne atqarylyp jatqandyǵyn, qandaı menedjmenttik júıeler qoldanylatyndyǵyn, menedjmentti qalaı tıimdi qoldaný qajettiginen dárister oqydyq», - deıdi Barlyq Shaıkenov.
Sondaı-aq jıyn barysynda Biliktilikti arttyrý ınstıtýtynyń dırektory ýnıversıtette ótken «Joǵary mektep menedjmenti» kýrsynyń 2 toptaǵy birinshi tyńdaýshylaryna memlekettik úlgidegi kýálikterdi tabys etti.
