Joǵary medıtsınalyq bilimi bar mamandardy daıarlaýǵa arnalǵan memlekettik bilim berý tapsyrysyn ornalastyrý týraly - DSM buıryǵy

QazAqparat qujattyń mátinin taratady.

Qazaqstan Respýblıkasy Densaýlyq saqtaý mınıstrliginiń buıryǵy

2013 jylǵy 18 maýsym Astana qalasy №352

Respýblıkalyq bıýdjetten qarjylandyrylatyn «S.J. Asfendııarov atyndaǵy Qazaq ulttyq medıtsına ýnıversıteti» , «Ońtústik Qazaqstan memlekettik farmatsevtıka akademııasy» sharýashylyq júrgizý quqyǵyndaǵy respýblıkalyq memlekettik kásiporyndarynda, «Astana medıtsına ýnıversıteti» aktsıonerlik qoǵamynda joǵary medıtsınalyq jáne farmatsevtıkalyq bilimi bar mamandardy daıarlaýǵa 2013-2014 oqý jylyna arnalǵan memlekettik bilim berý tapsyrysyn ornalastyrý týraly

«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi kodeksiniń 7-babynyń 1 - tarmaǵynyń 15) tarmaqshasyn iske asyrý maqsatyn­da, «Respýblıkalyq bıýdjetten qarjylandyrylatyn bilim berý uıymdarynda (Qazaqstan Respýblıkasy Ulttyq qaýipsizdik komıtetiniń bilim berý uıymdarynda mamandar daıarlaýdy qospaǵanda) joǵary jáne joǵary oqý ornynan keıingi bilimi bar, sondaı-aq tehnıkalyq jáne kásiptik bilimi bar mamandar daıarlaýǵa 2013/2014 oqý jylyna arnalǵan memlekettik bilim berý tapsyrysyn bekitý týraly Qazaqstan Respýblıkasy Úkimetiniń 2013 jylǵy 20 mamyrdaǵy № 500 qaýlysyna sáıkes buıyramyn:

1. Osy buıryqqa qosymshaǵa sáıkes respýblıkalyq bıýdjetten qarjylandyrylatyn «S.J. Asfendııarov atyndaǵy Qazaq ulttyq medıtsına ýnıversıteti» men «Ońtústik Qazaqstan memlekettik farmatsevtıka akademııasy» sharýashylyq júrgizý quqyǵyndaǵy respýblıkalyq memlekettik kásiporyndarynda, «Astana medıtsına ýnıversıteti» aktsıonerlik qoǵamynda joǵary medıtsınalyq jáne farmatsevtıkalyq bilimi bar mamandardy daıarlaýǵa 2013-2014 oqý jylyna arnalǵan memlekettik bilim berý tapsyrysy ornalastyrylsyn.

2. Qazaqstan Respýblıkasy Densaýlyq saqtaý mınıstrliginiń Ǵylym jáne adamı resýrstar departamenti (A.Á.Syzdyqova):

1) osy buıryqty osy buıryqqa qosymshada kózdelgen densaýlyq saqtaý salasyndaǵy bilim berý uıymdaryna jetkizsin jáne olarmen shart jasasýdy qamtamasyz etsin;

2) osy buıryqty Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin qamtamasyz etsin.

3. Qazaqstan Respýblıkasy Densaýlyq saqtaý mınıstrliginiń Ekonomıka jáne qarjy departamenti (G.R. Súıintaeva) osy buıryqqa qosymshada kózdelgen densaýlyq saqtaý salasyndaǵy bilim berý uıymdaryn jasalǵan sharttar negizinde qarjylandyrýdy qamtamasyz etsin.


4. Qazaqstan Respýblıkasy Densaýlyq saqtaý mınıstrliginiń Zań qyzmeti departamenti (D.E. Asaınova) osy buıryqtyń memlekettik tirkelgennen keıin buqaralyq aqparat quraldarynda resmı jarııalanýyn qamtamasyz etsin.

5. Osy buıryqtyń oryndalýyn baqylaý Qazaqstan Respýblıkasynyń densaýlyq saqtaý vıtse-mınıstri E.Á. Baıjúnisovke júktelsin.

6. Osy buıryq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Densaýlyq saqtaý mınıstri S. QAIYRBEKOVA.

Qosymsha mátini respýblıkalyq BAQ-tarda jarııalandy.