Joǵary lıganyń B tobyndaǵy erler komandalary arasynda voleıboldan Qazaqstan chempıonatynyń 2-týry ótedi
ALMATY. 3 jeltoqsan. QazAqparat /Erlik Erjanuly/ - Óskemende 4-10 jeltoqsan kúnderi Deneshynyqtyrý-saýyqtyrý kesheninde voleıboldan Joǵary lıganyń B tobyndaǵy erler komandalary arasynda XIX Qazaqstan chempıonatynyń 2-týry bolady. Oǵan Taraz, Semeı, Óskemen, Qyzylorda, Temirtaý, Hromtaý, Astana ján Qostanaı qalalarynyń voleıbolshylary qatyspaq.
Buǵan deıin 1-týr oıyndary 11-17 qarasha kúnderi Taraz memlekettik ýnıversıtetiniń sport kesheninde ótken bolatyn. Onda jarys qojaıyndarynyń "Taraz - TarGÝ" komandasy 19 upaımen týrnır kestesinde úzdik shyqty. Odan bir upaıy kem "Semeılikter" ekinshi, Óskemenniń "Shyǵys-QorǵasynQurylys-2" komandasy (15 upaı) úshinshi oryn aldy. Al barlyq kezdesýdi jeńilispen aıaqtap, qorjynyna birde-bir upaı sala almaǵan qostanaılyq "KInEÝ" kósh sońynda qalyp qoıdy. Olar endi 2-týrdyń alǵashqy oıynyn jarys qojaıyndarymen ótkizetin bolady. Odan keıin alańǵa "Taraz-TarGý" men "Astana", "Qorqyt Ata-KMÝ", "VSMK Arselormıttal", Shyǵys-QorǵasynQurylys 2" men "Qazhrom 2" komandalary shyǵady.
