Joǵary lıganyń «B» tobyndaǵy áıelder komandalary arasyndaǵy el chempıonatynyń 4-týrynda 2 komanda ǵana jeńilissiz kele jatyr
ALMATY. 20 naýryz. QazAqparat - Búgin voleıboldan Almatyda ótip jatqan Joǵary lıganyń «B» tobyndaǵy áıelder komandalary arasynda HH Qazaqstan chempıonatynyń 4-týryndaǵy komandalar bir kúndik úzilis aldy. Erteń endi jeńilissiz kele jatqan eki komanda ózara kezdesedi.
Olar «Astana 2» men «Shyǵys-QorǵasynQurylys 2» (Óskemen) komandalary. Al óz jerlesterin («TsSKA-VKS») 3:1, shymkenttikterdi («Qazyǵurt») 3:0 esebimen utqan Almatynyń «QazEÝ» komandasy keshe astanalyqtardan (0:3) oısyraı utyldy. Erteń olar Taldyqorǵan («Jetisý2») voleıbolshylarymen sheberlik baıqasady. «Jetisýlyqtar» buǵan deıin óskemendikter men astanalyqtarǵa 0:3, almatylyqtardyń ekinshi komandasyna 2:3 esebimen ese jibergen edi. Al «QazEÝ» (1:3) men «Shyǵys-QorǵasynQurylys 2» (0:3) sportshylaryna utylǵan «TsSKA-VKS» endi «Qazyǵurtpen» kúsh synasady.
