Joǵary lıganyń A tobynda óner kórsetetin erler komandasynda 4 komanda ózgelerden qara úzip ketti
ALMATY. 18-aqpan. QazAqparat /Erlik Erjanuly/ - Aqpannyń 20-27 kúnderi Qyzyljarda voleıboldan erler komandalary arasynda Joǵary lıganyń A tobynda HІH Qazaqstan chempıonatynyń 3-týr oıyndary ótedi.
Alǵashqy 2 týrdyń qorytyndysy boıynsha týrnır kestesinde Shymkenttiń «OQMÝ-Qazyǵurt» (36 upaı) komandasy birinshi orynda kele jatyr. 2-3 oryndy 30 upaımen Oraldyń «Jaıyq-Kondensaty» men Astananyń «Ushqyn-Iskrasy» bólisýde. Olardy 27 upaımen Pavlodardyń «Ertis» voleıbolshylary ókshelep kele jatyr. Ózge komandalar bolsa kóshbasshylardan qara úzip qaldy. Máselen, Qyzyljardyń «Esil-Vıktorııasynda» - 20, almatylyq «TsSKA-Almatyda» - 10, «QazNAÝ-da» - 8, al «Atyraý-2» qorjynynda 7 upaı bar. Jeksenbi kúni alǵashqy saıysta týrnır kóshbasshysy kósh sońynda kele jatqan atyraýlyqtarmen synǵa túsedi. Al oraldyqtar - «QazNAÝ-lyqtarmen, astanalyqtar - TsSKA-shylarmen, pavlodarlyqtar jarys qojaıyndarymen sheberlik baıqasady.
