Joǵary lıgadaǵy áıelder komandalary arasyndaǵy HH Qazaqstan chempıonatynyń 1-týrynda 2 komanda jeńilissiz kele jatyr
ALMATY. 17 qarasha. QazAqparat /Erlik Erjanuly/ - Voleıboldan Joǵary lıgadaǵy áıelder komandalary arasyndaǵy HH Qazaqstan chempıonatynyń 1-týryn 2 komanda jeńilisiz aıaqtaýy múmkin.
13-qarashada jalaýy kóterilgen bul saıysta jeńilissiz kele jatqan «Kostanaı» men «Spartak AMT»(Temirtaý) QR Voleıbol federatsııasy taratqan habarlamaǵa qaraǵanda, 2-týrda ǵana óz sheberlikterin synamaq. Qostanaılyqtar buǵan deıin «Jetisý-2» (Almaty oblysy), «Almatınochka» (Almaty), «Shyǵys-QorǵasynQurylys» (Óskemen) pen «TsSKA VKS» (Almaty), temirtaýlyqtar -«QazEÝ» (Almaty), «Shyǵys-Qorǵasyn Qurylys», «Gratsııa-KZ» (Oral) jáne «Qaraǵandy-2» (Qaraǵandy oblysy) voleıbolshylaryn 3:0 esebimen tize búktirgen edi. Búgin endi «Qostanaı» «Qazhrommen» (Pavlodar), «Spartak AMT» «Astana-2» komandalarymen kezdesedi. Al aqyrǵy kezdesýde erteń qostaılyqtar shymkenttiktermen («Qazyǵurt»), temirtaýlyqtar «jetisýlyqtarmen» jup quramaq.
