Joǵary lıgadaǵy áıelder komandalary arasynda temirtaýlyqtar 3-týrda «A» tobynda qarsylas shaq keltirmedi
ALMATY. 29 aqpan. QazAqparat - Almatyda 23-28 aqpan aralyǵynda voleıboldan Joǵary lıganyń «A» tobyndaǵy áıelder komandalary arasynda HH Qazaqstan chempıonatynyń 3-týry ótti.
Onda barlyq qarsylasyn 3:0 esebimen utqan «Spartak AMT» komandasy 15 upaımen birinshi oryn aldy. Temirtaýlyqtarǵa oısyraı utylyp, pavlodardyń «Qazhromyna» 2:3 esebimen ese jibergen oraldyń «Gratsııa-KZ» komandasy 10 upaımen ekinshi oryn aldy. Kóshbasshydan 8 upaıǵa artta qalyp qoıǵan qostanaılyqtar úzdik úshtiktiń qataryna endi. Al pavlodarlyqtar - 6, almatytylyqtar («Almatınochka») - 4 upaı jınasa, Qaraǵandy oblysynyń («Qaraǵandy-2») sportshylary 3 upaımen týrnır kestesin túıindedi.
Jalpy Joǵary lıgadaǵy 12 komanda buǵan deıin el chempıonatynyń alǵashqy 2 týrynda jınaǵan upaılary boıynsha 2 topqa bólingen edi. Onda týrnır kestesinde 1-6 oryn alǵandar «A» tobyna engen bolatyn.
