Joǵary lıga: Tarazdyq voleıbolshylar merziminen buryn el chempıony atandy
ALMATY. 22 sáýir. QazAqparat - Qyzylordada voleıboldan Joǵary lıganyń «B» tobyndaǵy erler komandalary arasynda el chempıonatynyń aqtyq 5-shi týry ótip jatyr.
17 sáýirde bastalǵan básekede tarazdyqtar («Taraz-TarMÝ») merziminen buryn el chempıony atandy. Qazir olardyń qorjynynda 33 oıynnan keıin 89 upaı bar. Tarazdyqtardan atyraýlyqtar («Atyraý-2») - 14, aqtaýlyqtar («Munaıshy») - 16, hromtaýlyqtar («TNK Qazhrom-2») - 19, qyzylordalyqtar («Qorqyt-Ata-QMÝ») - 53, qostanaılyqtar («Qostanaı») - 62, astanalyqtar («Astana-Ulan») - 66, óskemendikter («Shyǵys-QorǵasynQurylys-3») - 86 upaıǵa qalyp qoıdy.
Búgin Taraz-Óskemen, Aqtaý-Astana, Hromtaý-Atyraý, Qyzylorda-Qostanaı komandalary kúsh synasýda. Buǵan deıingi týrlarda Atyraý, Aqtaý, Hromtaý quramalary óz qarsylastaryna birde-bir upaı ustatpaǵan bolatyn. Sondyqtan kúmis jáne qola júldegerler erteńgi aqtyq oıynda belgili bolady. Onda atyraýlyqtar tarazdyqtarmen, astanalyqtar hromtaýlyqtarmen, qostanaılyqtar aqtaýlyqtarmen, óskemendikter qyzylordalyqtarmen kezdesedi. Atyraýlyqtar eki ret 3:1 esebimen basym túsip, eki ret - 2:3, bir ret 1:3 esebimen utylǵan bolatyn. Hromtaýlyqtar men aqtaýlyqtar tórt oıynda da qarsylasyn oısyrata jeńip, óskemendikter bir ret el chempıonatyndaǵy jalǵyz jeńisine qol jetkizip, qalǵan úsh kezdesýde 3 upaıdy tolyq óz qarsylasyna ustatqan.
