Joǵary laýazymdy tulǵalardyń júrgizýshileri: Prezıdent Іs basqarmasynyń avtosharýashylyǵy jaıly
Avtosharýashylyq ornalasqan jer erekshe kúzetiletin aýmaqqa jatady. Kelgen adamdar aldymen baqylaý-ótkizý beketinde polıtsııa qyzmetkerlerine qujatyn berip, arnaıy tekserýden ótedi.
Osy tekserýden ótken bizdi kásiporyn dırektorynyń orynbasary Nurlan Batrashın qarsy aldy.
«Bul mekeme 1997 jyly elordamyz Almatydan Aqmolaǵa kóshkende 27 tamyzda Úkimet qaýlysymen qurylǵan bolatyn. Negizgi qyzmeti - memlekettik organdarǵa, elimizge resmı, memlekettik jáne jumys saparymen kelgen shet memleketterdiń basshylaryna, olardyń delegatsııalaryna avtokólik qyzmetin kórsetý. Qazirgi tańda kásiporynda 490 adam jumys isteıdi. Onyń ishinde 381 adam, ıaǵnı 77 paıyzy - kólik júrgizýshileri. Júrgizýshiler quramy derbes bekitilgen. Olar avtobýs, shaǵyn avtobýs jáne arnaıy tehnıka júrgizýshiler bolyp bólinedi», - dep bastady ol áńgimesin.
Jumysqa kelgen ár kólik júrgizýshisi SKÝD (kirýdi baqylaý jáne basqarý júıesi) júıesinen ótedi.
Árqaısynyń shtrıh kody bar kartasy bolady. Sol karta arqyly úsh termınaldyń birinen jol júrý paraǵyn alady.
Onda júrgizýshiniń aty-jóni, tabel, garaj nómirleri, kólik bagyndaǵy janarmaı mólsheri, qansha shaqyrym júrilgeni týraly derek jazylǵan. Kún saıyn shamamen 300 kólik jolǵa shyǵady. Júrgizýshi aldymen medıtsınalyq kýálandyrýdan ótýge tıis. Onsyz rýlge otyra almaıdy. Medpýnkt táýlik boıy jumys isteıdi.
«Alkotesterdiń eki túri bar. Júrgizýshi kontaktisiz testileýden ótken kezde termınalǵa shtrıh-kody bar kartasyn jaqyndatady. Sol kezde júrgizýshi týraly derektiń bári kompıýterden shyǵyp turady. Alkotesterden ótkenderge ǵana kólik júrgizýge ruqsat beriledi. Bizde qan qysymy joǵary júrgizýshiler de bar. Olarǵa aıryqsha nazar aýdaramyz. Barlyq málimet elektrondy túrde saqtalady», - dedi medıtsına qyzmetkeri Galına Vınogradova.
Medıtsınalyq kýálandyrýdan ótken júrgizýshi dıspetcherge baryp, ózine bekitilgen kóliktiń kiltin alady.
«Shtatta 8 dıspetcher táýlik boıy jumys isteıdi. Kólik qyzmeti úzdiksiz kórsetiledi. Kún saıyn aýysymda 25-30 kezekshi avtomobıl bolady. Dıspetcherler statsıonarlyq telefon, uıaly baılanys jáne radıostantsııa arqyly tapsyrys qabyldaıdy», - dedi Nurlan Batrashın.
Júrgizýshilerge qoıylatyn talap ta óte joǵary. Olar elimizdiń ǵana emes, sheteldiń de laýazymdy tulǵalaryna qyzmet kórsetedi. Sondyqtan da jumysqa qabyldaý kezinde júrgizýshi úsh satydan turatyn synaqtan ótedi.
«Qyzmetkerlerdi irikteýge ótinim bergen kezde tıisti biliktilik talaptarymyzdy kórsetemiz. ıAǵnı, jumys ótili, áskerı esepte turýy, kólik júrgizýge qajetti sanaty bolýy kerek. Talapqa saı kelgen adammen aldymen telefon arqyly suhbattasamyz. Sodan keıin ǵana kezdesýge ýaǵdalasamyz. Kezdesý barysynda jumys kestesin, jalaqy mólsherin, usynylatyn áleýmettik toptama jaıyn túsindiremiz», - dedi kásiporynnyń uıymdastyrý-kadr jumysy bóliminiń bastyǵy Aınur Qamarova.
Júrgizshiler dress-kod saqtaýǵa mindetti. Kıim iskerlik stılde bolýǵa tıis: kúńgúrt tústi kostıým, aq kóılek. Galstýk mindetti element sanalady. Sonymen qatar júrgizýshige B, C, D, E sanattaryndaǵy kólikterdi júrgizý quqyǵy qajet. Olardyń ortasha jasy 40-45 jas shamasynda. Jastarmen qatar, kásiporyn qurylǵan sátten beri eńbek etip kele jatqan ardager júrgizýshiler de bar. Kásiporyn mereıtoıǵa oraı «25 jylǵy minsiz qyzmet» dep atalatyn kitap ta ázirlep qoıǵan. Taıaý kúnderi jaryqqa shyqpaq.
«Biz úshin júrgizýshiniń tájirıbeli bolýy óte mańyzdy. Óıtkeni, bul jumysy óte jaýapty jumys, qaýipsizdikti saqtaýy kerek», - dedi bólim bastyǵy.
Onyń aıtýynsha, júrgizýshiler aǵylshyn tilin bilý kerek degen talap qoıylmaıdy. Degenmen, sheteldik resmı delegatsııalarǵa qyzmet kórsetken kezde qarapaıym deńgeıde bolsa da til bilgeni durys. Sondyqtan jumysqa qabyldaý kezinde aǵylshyn tilin jetik biletinderge basymdyq beriledi.
Kásiporyn qyzmetkerlerdi áleýmettik jaǵynan da qoldap otyrady. Máselen, oqý jyly qarsańynda «Mektepke jol» aktsııasyn ótkizip, kóp balaly júrgizýshilerdiń 1, 2 synypqa baratyn balalaryna mektepke qajetti zattar salynǵan rıýkzak beredi.
Kásiporynnyń jol qaýipsizdigi jónindegi ınjeneri Abaı Júnisov júrgizýshiniń teorııalyq ta, tájirıbelik te bilimi tekseriletinin aıtady.
«Jalpy, júrgizýshiniń bilimi teorııadan bastalady. Óıtkeni, ol tájirıbeli júrgizýshi bolýy múmkin, biraq biz úshin teorııany da jetik bilýi óte mańyzdy. Sondyqtan arnaıy jabdyqtalǵan kabınette júrgizýshilerdiń teorııalyq bilimi tekseriledi. Qyzmetke alǵash kelgen adam jol erejesinen emtıhan tapsyrady. Birinshi ret emtıhan tapsyrǵan kezde árqaısysy 20 mınýtqa sozylatyn birden úsh múmkindik beriledi. Emtıhan nátıjeleriniń bári jazylyp otyrady. Synaqtan ótip, jumysqa kirgen júrgizýshi jarty jyldan keıin 2-klasqa, taǵy jarty jyldan keıin eshqandaı eskertýi bolmasa 1-klasqa emtıhan tapsyrady. Júrgizýshide B, S, D, E sanattarynyń bári bolýǵa tıis. Sonymen qatar jylyna bir ret barlyq júrgizýshige mindetti túrde sabaq ótkizemiz», - dedi ınjener.
Búginde elordada 13 myńnan astam «Sergek» kamerasy qoıylǵan. Dál osy kameralar qala kóshelerindegi kez kelgen kóliktiń jol erejesin buzǵanyn tirkep, tirkelgen aıypty azamatqa, memlekettik mekemege, zańdy tulǵaǵa jiberip otyrady. Mundaı aıyppul «Prezıdent garajy» kólikteriniń kortejde júrgenine qaramastan kásiporynǵa da keledi. Biraq, elimizdiń Іshki ister mınıstrliginiń arnaıy uıǵarymymen aıyppuldar mekeme júrgizýshisinen alynady. Alaıda, kúndelikti ómirde qatelesip jol erejesin buzǵan júrgizýshiler aıyppuldy óz qaltalarynan tóleıdi.
«Tsıfrlandyrý jumysymyzdy jeńildetýge kóp kómegin tıgizdi. Qazir bári elektrondy, qaı júrgizýshiniń qandaı jol erejesin buzǵany, qansha aıyppuly bar ekeni kóz aldyńda turady», - dep atap ótedi Abaı Júnisov.
Nurlan Batrashınniń aıtýynsha, búginde kásiporyn Prezıdentke, Premer-Mınıstrge, ortalyq memlekettik organdardyń basshylaryna qyzmet kórsetedi.
«Biz 18 mınıstrliktiń 14-ine qyzmet kórsetemiz. Kúshtik qurylymdarda Qorǵanys, Іshki ister jáne Syrtqy ister mınıstrlikterinde kólik qyzmeti bólek», - dedi ol.
Bir qyzyǵy, kásiporyn Tsıfrlyq damý mınıstri Baǵdat Mýsınge qyzmet kórsetpeıdi. Óıtkeni ol elektromobılmen qatynaıdy.
«Bizde ázirge elektromobıl joq. Degenmen, buǵan deıin kóliktiń bul túrin synaqtan ótkizip kórdik. Erte me, kesh pe elektrombıl paıdalanýymyzǵa týra keledi», - dedi kásiporyn dırektorynyń orynbasary.
Mekemede 450 avtokólik bar. Onyń 374-i – jeńil avtomobıl. 53 paıyzy elimizde qurastyrylǵan Skoda Superb, Kia Optima, Kia K5, Kia Cadenza, Kia Quoris, Hyundai Sonata syndy avtomobılder.
Aldaǵy ýaqytta otandyq kólikterdiń úlesin 80 paıyzǵa jetkizý josparlanǵan. Al dál osy otandyq kólikter apparat basshylaryna, vıtse-mınıstrlerge qyzmet kórsetedi. Munan bólek kásiporynda álemdik deńgeıdegi kólikter de, brondalǵan avtomobılder de bar. Brondalǵan avtomobılder kúzetiletin tulǵalarǵa bekitilgen.
Dál qazir kásiporyn elordada ótetin Álemdik jáne dástúrli dinder kóshbasshylarynyń sezine, Azııadaǵy ózara is-qımyl jáne senim sharalary keńesiniń otyrysyna qyzý daıyndyq júrgizip jatyr.
«Memleket basshysy deńgeıinde kóptegen meımandardy qarsy alýǵa daıyndalyp jatyrmyz. Bul biz úshin eń aldymen zor mártebe ári úlken jaýapkershilik», - dedi Nurlan Batrashın.
Onyń aıtýynsha, kásiporynnyń jeke janar-jaǵarmaı maı stansasy, kólik jóndeıtin, jýatyn arnaıy oryndary bar. Aı saıyn 45-50 mashına josparly tehnıkalyq tekserýden ótkizilip turady. Buzylǵan kólikterdi de kásiporyn óz kúshimen jóndeıdi. Paıdalaný merzimi aıaqtalǵan kólikter Memlekettik múlik jáne jekeshelendirý komıteti arqyly memlekettik organdarǵa beriledi.
«Sońǵy 10 jyl boıy aýktsıon ótken joq. Kólikterdi basqa memlekettik organdardyń balansyna ótkizdik. Biz kólikterdi Joǵarǵy sotqa, Bilim mınıstrliginiń mekemelerine, ýnıversıtetterge, qoryqtar men mýzeılerge berdik», - dedi ol.
Kásiporynda sońǵy 23 jyl eńbek etip júrgen júrgizýshilerdiń biri - Mirjaqyp Ashmuqanov. Ol bizge óziniń basynan ótken qyzyqty oqıǵalar týraly aıtyp berdi.
«Kórshiles elderdiń biriniń prezıdentin qarsy alatyn boldym. Áýejaıǵa jetken kezimde kondıtsıonerdiń bir jaǵy istemeı qaldy. Keri qaıtyp, kólik aýystyrýǵa ýaqyt joq, ushaq qonýǵa bettep keledi. Prezıdent ushaqtan, túsip kólikke otyrǵan bette kondıtsıonerdi óshirip qoıýymdy ótindi. Osylaısha, kóligimdegi aqaýdy shet eldiń Memleket basshysyna sezdirmeı ketken edim. Taǵy birde Maltanyń Elshisin elordadaǵy qonaqúıdiń aldynda kútip turǵan edim. Maǵan kóliktiń týtuǵyryna Maltanyń týyn ornatýdy tapsyrdy. Qaqaǵan qys, 40 gradýs aıaz. Týtuǵyrǵa tý ornatylmaı, ábden áýre-sarsańǵa tústim. Sóıtip jantalasyp tursam, bir adam taıap kelip «Berińiz, men taǵaıyn» deıdi. «Keshirińiz, qazir Elshi keledi», desem, «Sol Elshi men ǵoı», dep kúledi. Jalpy, osy jumysta júrgennen beri elimizge kelgen 7 shet memlekettiń Prezıdentin alyp júrippin», -dep eske alady Mirjaqyp Ashmuqanov.
27 jasynda kásiporynǵa jumysqa turyp, sońǵy 10 jyl boıy eńbek etip júrgen Danııar Ramazanov jumysy ózine unaıtynyn aıtady.
«Joǵary mártebeli sheteldik qonaqtardy kútip alamyz. Odan bólek elimizdiń damýyna yqpal etip júrgen Prezıdent Ákimshiligine, Úkimet múshelerine qyzmet kórsetemiz. Jaýapkershiligi óte zor jumys dep bilemin. Basshylar jınalysqa kirip ketken kezde áleýmettik jelini de jiti qadaǵalap otyramyn. Ásirese, blogerler bılikti synap jatady. Al biz ol kisilerdiń tań atqannan keshke deıin el úshin eńbek etetinin bilemiz. Sondyqtan laık jınaý úshin bılik ókilin synaýdyń qajeti shamaly der edim. Biz el úshin eńbektenip, memleketimizdiń damýy jolynda jantalasyp júrgen azamattardy kórip júrmiz», - dedi ol.
