Joǵary hokkeı lıgasynda «Qaztsınk - Torpedo» kósh bastap tur
ASTANA. 19 qyrkúıek. QazAqparat - Keshe Óskemen qalasynyń «Qaztsınk-Torpedosy» syrt alańda «VMF-Karelııa» (Karelııa Respýblıkasy, Reseı) komandasyn jeńip, upaı sany jaǵynan Joǵary hokkeı lıgasynda birinshi orynǵa kóterildi.
Keshegi oıyn - «Qaztsınk-Torpedo» hokkeıshileriniń syrt alańdaǵy alǵashqy matchy. Buǵan deıin olar óz alańynda úsh oıyn ótkizip, úsheýinde de jeńiske jetken. Osy joly da «Qaztsınk-Torpedonyń» mereıi ústem boldy. Oıynnyń birinshi kezeńinde-aq Óskemen hokkeı klýbynyń jigitteri qarsylastardyń qaqpasyna úsh birdeı shaıbany kirgizdi. Konstantın Savenkov dýbldyń avtory atansa, Evgenıı Rymarev úshinshi shaıbany sheber sala bildi. Odan keıin ıÝrıı Sergıenko «VMF-Karelııanyń» qaqpashysyn tórtinshi ret qapy qaldyrdy. Qarsylastar bolsa, oıynnyń árbir kezeńinde bir-bir shaıbamen jaýap berýmen bolyp, esep aıyrmasyn 4:3-ke deıin qysqartty. Alaıda odan asa almady. Oıyn osymen aıaqtaldy. Osylaısha, Óskemenniń «Qaztsınk-Torpedosy» syrt alańda ótkizgen alǵashqy oıynda jeńiske jetip, taǵy úsh upaıǵa qol jetkizdi. Qazir tórt oıynnyń qorytyndysy boıynsha, onyń enshisinde 12 upaı bar. Sonyń arqasynda «Qaztsınk-Torpedo» Joǵary hokkeı lıgasynyń jalpy týrnırlik kestesinde birinshi orynǵa kóterildi.
