Joǵary hokkeı lıgasy: «Saryarqa» samaralyqtardy utty
ASTANA. QazAqparat - Joǵary hokkeı lıgasynyń chempıonaty aıasynda Qaraǵandynyń «Saryarqa» komandasy Samara qalasynda jergilikti «TsSK VVS»-ti jeńdi, dep habarlaıdy Sports.kz.
Birinshi kezeńde qaraǵandylyq Sergeı Topol men Valerıı Polıakov samaralyqtardyń qaqpasyna bir-bir shaıbadan saldy. Ekinshi jıyrma mınýtta atalmysh eki hokkeıshi taǵy bir-bir gol soqty. Oıynnyń úshinshi bóliginde «TsSK VVS»-tiń ókili Ramıl Sýleımanov qaraǵandylyqtardyń qaqpasynan sańylaý taba aldy.
Endi 3 qarasha kúni «Saryarqa» Qaraǵandy qalasynda Voronejdiń «Býran» komandasymen oınaıdy.
