Joǵary bilim mınıstrligi «dalada túnep júrgen» stýdentterdi izdestirip jatyr
«Áleýmettik jelilerde Almaty stýdentteriniń «dalada túnep júrgeni» jaıly vıdeo tarap jatyr. Ǵylym jáne joǵary bilim mınıstrligi rolık avtorlaryn/qatysýshylaryn vedomstvoǵa habarlasýdy suraıdy. Qajet bolǵan jaǵdaıda ol stýdentterge kómek kórsetiledi.
Eske salaıyq, Almaty qalasynda qıyn jaǵdaıǵa tap bolǵan stýdentterdi baspanamen qamtamasyz etý jónindegi Jedel shtab jumys isteıdi. Stýdentter táýlik boıy +7 778 655 60 83 nomerine habarlasa alady.
Onymen bir mezgilde, baspanadan zańsyz shyǵarý nemese jalǵa berý qunyn ósirý jaǵdaı bolsa azamattar tegin zańgerlik keńes alý úshin Ádilet mınıstrliginiń 119 (qalalyq telefon) koll-ortalyǵyna nemese 58-00-58 nomerine (Almaty, Astana qalalary úshin) habarlasa alady», - delingen mınıstrlik habarlamasynda.
Mınıstrlik sondaı-aq Ǵylym jáne joǵary bilim mınıstrliginiń 1450 Biryńǵaı baılanys ortalyǵy jumys isteıtinin eske saldy.
«Elimizdegi barlyq joǵary oqý oryndarynda Qoǵamdyq qabyldaý keńseleri ashylǵan. Ol jerge stýdentter, olardyń ata-analary men oqytýshylar júgine alady», - delingen vedomstvo aqparatynda.
