Joǵary bilim mektebiniń túlekteri eldiń bilim berý saıasatymen aınalysady
ASTANA. 25 tamyz. QazAqparat - «Nazarbaev Ýnıversıteti» janyndaǵy Joǵary bilim mektebi eldiń bilim berý saıasatymen aınalysatyn mamandar daıarlaıtyn bolady,
dep habarlady «Nazarbaev Ýnıversıteti» Bilim berý saıasaty ortalyǵynyń dırektory Aıda Saǵyntaeva Pm.kz saıtyna bergen suhbatynda.
«Bizdiń bitirýshi túlekterimiz oqýdy aıaqtaǵan soń óńirlerge oralyp, elimizdiń bilim berý saıasatymen aınalysa alatyn adamdar», - dedi A.Saǵyntaeva.
Ortalyq dırektory atap aıtqandaı, bolashaq doktoranttar men magıstranttar jumys tájirıbesi bar jáne bilim berý salasyndaǵy kókeıkesti máselelerdi anyq biletin bolady.
«Biz bolashaq bolashaq doktoranttar men magıstranttar arasynan jumys tájirıbesi bar, qazirgi júıede bar kókeıkesti máselelerdi anyq biletin, jáne bul máselelerdi sheshý úshin birneshe ondaǵan alternatıvti sheshimderdi usyna alatyn adamdardy kóremiz», - dep atap ótti Aıda Saǵyntaeva.
Sonymen qatar, «Nazarbaev Ýnıversıteti» talapkerlerine qoıylatyn talaptardy Ýnıversıtet óziniń strategııalyq seriktesteri - Kembrıdj ýnıversıtetimen jáne Pensılvanııa ýnıversıtetimen birlesip ázirlemekshi. Seriktes JOO akademııalyq baǵdarlamalardy jasaýǵa da at salysatyn bolady.
Esterińizge sala keteıik, «Nazarbaev Ýnıversıteti» janyndaǵy Joǵary bilim mektebi 2013 jyldyń qańtar aıynda stýdentterdi qabyldaı bastaıdy, jáne joǵary jáne orta bilim berý salasynda basqarý mamandaryn daıarlaýdy iske asyratyn bolady.
