Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryna ózgerister engizildi
ASTANA. 3 shilde. QazAqparat - «Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy №111 qaýlysyna ózgeris engizildi, dep habarlady resmı BAQ.
Qazaqstan Respýblıkasy Úkimetiniń qaýlysy №896
«Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryn bekitý týraly»
Qazaqstan Respýblıkasy Úkimetiniń
2012 jylǵy 19 qańtardaǵy №111 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy №111 qaýlysyna mynadaı ózgeris engizilsin:
kórsetilgen qaýlymen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalarynda:
5-tarmaq mynadaı redaktsııada jazylsyn:
«5. Keshendi testileý ótken jyldardaǵy jalpy orta (orta jalpy) bilim berý uıymdarynyń bitirýshileri, tehnıkalyq jáne kásiptik (bastaýysh jáne orta kásiptik, orta bilimnen keıingi) bilim berý uıymdarynyń bitirýshileri, halyqaralyq oqýshylar almasý jelisi boıynsha shetelde oqyǵan jalpy bilim beretin mektep bitirýshileri, UBT-ǵa qatyspaǵan jalpy bilim beretin mektepterdiń bitirýshileri, qazaq jáne orys tilderinde oqytpaıtyn jalpy bilim beretin mektepterdiń bitirýshileri respýblıkalyq mýzyka mektep-ınternattarynyń bitirýshileri, sondaı-aq oqý ornyn shetelde bitirgen tulǵalar úshin ótkiziledi.».
2. Osy qaýly alǵashqy resmı jarııalanǵan kúninen bastap, kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
