Joǵary bilikti medıtsınalyq kómektiń kórsetilýi 2 esege ulǵaıdy
ASTANA. 30 shilde. QazAqparat - Klınıkalyq-shyǵyndy toptar boıynsha emdelgen naýqastar úshin aqy tóleýdiń halyqaralyq deńgeıine aýysý joǵary bilikti medıtsınalyq kómekti 2 esege arttyrýǵa múmkindik berdi,
dep habarlady Densaýlyq saqtaý mınıstrliginiń medıtsınalyq qyzmetterge aqy tóleý komıtetiniń tóraǵasy Qanat Qartaev pm.kz saıtyna bergen suhbatynda.
«Densaýlyq saqtaýdyń biryńǵaı ulttyq júıesin engizýdiń aıasynda 2012 jyly biz klınıkalyq-shyǵyndy toptar boıynsha emdelgen naýqastar úshin aqy tóleýdiń halyqaralyq deńgeıine shyqtyq», - dedi Q.Qartaev.
Komıtet tóraǵasynyń aıtýynsha, statsıonarlyq naýqastardy klınıkalyq-shyǵyndy toptar boıynsha qarjylandyrýdyń ereksheligi sol, medıtsınalyq uıymdar endi eń qajetti jaǵdaılarda ǵana naýqasty aýrýhanaǵa jatqyzýǵa talpynady, kerýetterdi bos ustamaıdy jáne naýqastarǵa joǵary tehnologııalyq kómek kórsetýge tyrysady.
«Mysaly, elimizde joǵary bilikti kómek kórsetý 2 esege ósip, statsıonarlyq qyzmet kórsetýshi jekemenshik medıtsınalyq uıymdardyń sany 16 paıyzǵa ulǵaıdy jáne 116 uıymdy qurady, 2009 jyly mundaı jekemenshik mekemeler joq bolatyn»,- dedi komıtet basshysy óz sózinde.
Oǵan qosa, búginde gemodıalızdik kómek qyzmetiniń 60 paıyzǵa jýyǵy jekemenshik mekemelerdiń úlesine tıesili, olar básekelestik jaǵdaıǵa baılanysty ózderindegi servıstik qyzmetterdi jetildirýde.
Q.Qartaevtyń habarlaýynsha, sondaı-aq qazir medıtsınalyq qyzmetterdi keshendi jan basyna shaqqandaǵy kórsetkish boıynsha qarjylandyrý máselesi qaralyp jatyr. «ıAǵnı, biz turǵyndy alǵashqy medıtsınalyq-sanıtarlyq kómekke, konsýltatıvtik kómekke bólmeımiz, biz emhanalardyń qyzmetterin jalpy alǵanda bir turǵynǵa shaqqandaǵy normatıv boıynsha qarjylandyratyn bolamyz»,- dedi ol.
Aǵymdaǵy jyldyń birinshi jartyjyldyǵynda «100 úzdik statsıonarlyq aýrýhana», «Kezeksiz emhana» jobalary iske asyryldy. «Kezeksiz emhana» konkýrsynyń qorytyndysy boıynsha jeńimpazdar jan basyna shaqqandaǵy qarjylandyrý júıesin zertteýge Fınlıandııaǵa jiberildi.
«Qazaqstannyń áleýmettik jańartylýy: Jalpyǵa ortaq Eńbek Qoǵamyna 20 qadam» atty baǵdarlamalyq maqaladaǵy Elbasynyń tapsyrmalary Densaýlyq saqtaýdyń biryńǵaı ulttyq júıesin belgilengen baǵyttar boıynsha damytýǵa jańa serpin beretin bolady»,- dep túıindedi óz sózin Q.Qartaev.
