Joǵary bilikti mamandardy ózimizde - Qazaqstanda daıyndaý kerek - K. Másimov
Bul pikirin Astanada ótip jatqan ІІІ Halyqaralyq forým qatysýshylaryna arnap joldaǵan quttyqtaýynda QR Úkimetiniń basshysy Kárim Másimov bildirdi. Úkimet basshysynyń quttyqtaýyn Bilim jáne ǵylym mınıstri Baqytjan Jumaǵulov jetkizdi.
«Qýatty memleket bolyp qalý úshin biz kásiptik-tehnıkalyq bilim berý sapasyna basa mán berýge tıispiz. Óıtkeni, bizdiń elimiz qarqyndy damý ústinde. Biz sheteldik ınvestıtsııalardy, zamanaýı tehnologııalardy, jańa bilimdi ıgerip jatyrmyz. Alaıda joǵary bilikti mamandardy ózimizde - Qazaqstanda daıyndaý kerek,», - dedi ol.
Premer-Mınıstr atap kórsetkendeı, bul óte ózekti másele. Ásirese, Elbasynyń Údemeli ındýstrııalyq-ınnovatsııalyq damý baǵdarlamasyn iske asyrýda erekshe mańyzdy. Búgingi forýmda Qazaqstandaǵy kásiptik bilim berý júıesin odan ári damytýdyń tetikteri qarastyrylatyn bolady.
«Bul - Úkimet jumysynyń eń mańyzdy baǵytynyń biri. Bizdiń maqsat - básekege qabiletti eńbek naryǵyn qalyptastyrý. Búgingi tańda biz kásiptik bilim berý úlgisin jańǵyrtyp, reformalap jatyrmyz. Jańa úlgi boıynsha bizdiń azamattar eńbek naryǵyndaǵy joǵary suranysqa ıe mamandyqtardy ıgeretin bolady. Shyn mánisinde, áńgime ónimdilikke, ınnovatsııalarǵa negizdelgen jańa eńbek kúshin qalyptastyrý jaıynda bolyp otyr. Sonda ǵana biz elimizdiń ekonomıkalyq-áleýmettik damýyna serpin berip, otandyq bıznestiń órken jaıýyna jol ashamyz», - dep túıindedi Úkimet basshysy.
