Joǵary aýdıtorlyq palatanyń quzyreti qalaı kúsheıtildi – Prezıdent Jarlyǵy
Qujatta palataǵa jergilikti bıýdjetterdiń qarajatyna aýdıt júrgizýge negiz bolatyn sebepterdiń qatary keńeıtilgen. Naqty aıtsaq, Joǵary aýdıt palatasy bıýdjettiń bul túrine memlekettik organdardyń, tekserý komıssııalarynyń, jeke jáne zańdy tulǵalardyń joldanymdary boıynsha, sondaı-aq quqyq qorǵaý organdarynyń aqparaty negizinde aýdıt júrgize alady.
Biraq aýdıt júrgizý týraly qabyldanǵan sheshimdi Prezıdent Ákimshiligine habarlap, palata otyrysynda daýysqa salý arqyly bekitedi.
Palata memlekettik aýdıt pen qarjylyq baqylaý organdary júrgizgen aýdıttiń qorytyndylaryn qaıta qaraýǵa quzyret alyp otyr. Ol úshin aýdıt materıaly boıynsha sot sheshimi kúshine enbegen bolýy kerek. Aýdıt qorytyndylaryn qaıta qaraý týraly tapsyrmany palataǵa Perzıdent pen Prezıdent Ákimshiligi bere alady.
Jarlyqqa sáıkes, palata memlekettik aýdıt jáne qarjylyq baqylaý materıaldaryn biryńǵaı arnaıy derekqorda jarııalaýǵa quzyretti. Alaıda palata qarjy naryǵy men qarjy uıymdaryn retteıtin, baqylaý jáne qadaǵalaý júrgizetin ýákiletti organnyń zańmen qorǵalatyn qupııasy materıaldaryn jarııalaı almaıdy.
Qujatta Joǵary aýdıtorlyq palata Ulttyq bank pen zeınetaqy qoryn qalaı baqylaı alatyny aıtylǵan. Ol úshin palataǵa Prezıdenttiń kelisimin alý kerek nemese Prezıdenttiń ózinen tikeleı tapsyrma túsýi qajet.
Sondaı-aq palata tekserý komıssııalary men ishki memlekettik aýdıt jónindegi ýákiletti organnyń, ishki aýdıt qyzmetteri júrgizgen memlekettik aýdıtterdiń standartqa saı júrgizilýin baqylaýǵa haqyly ekeni aıtylǵan.
