Joǵary aýdıtorlyq palata 271,1 mlrd teńgeniń zań buzý derekterin anyqtady
«Aýdıtpen qamtylǵan qarajat kólemi 4 trln 958,5 mlrd teńge boldy. Aýdıt barysynda 271,1 mlrd teńgege buzýshylyq anyqtaldy. Sonyń ishinde 34,2 mlrd teńgege qarjylyq buzýshylyqtar tirkelse, 236,9 mlrd teńgeniń tıimsiz paıdalanylǵany jáne tıimsiz josparlanǵany anyqtaldy», - dep jazylǵan palatanyń aqparatynda.
Atalǵan aýytqýlar boıynsha uzyn sany 2 087 rásimdik buzýshylyq tirkelgen.
«Aýdıt qorytyndysy boıynsha qalpyna keltirýge jáne óteýge jatatyn 34,2 mlrd teńgeden naqty 16,9 mlrd teńge qalpyna keltirildi (óteldi). Úkimet pen memlekettik organdarǵa 112 usynym men 346 tapsyrma (nusqama) jiberildi. 120 laýazymdy adam tártiptik jazaǵa, 45 jeke jáne zańdy tulǵa ákimshilik jazaǵa tartyldy. Quqyq qorǵaý organdaryna qaraý jáne protsestik sheshim qabyldaý úshin aýdıttiń 15 materıaly jiberildi. Onyń ishinde altaýy sotqa deıingi tergep-tekserýdiń biryńǵaı tiziliminde tirkelip, beseýi ýákiletti organdarǵa qosymsha tekserý úshin jiberildi. Tórt materıal boıynsha is júrgizý toqtatyldy», - delingen qujatta.