Joǵary ataqqa ıe bolǵan pedagogter 3 mln teńgeden birjolǵy tólem alady
«Qazirgi kezde pedagogterdiń jalaqysyn kóterý 2020 jyldyń qańtar aıynan bastaldy. Bul baǵyttaǵy jumystar 2023 jyly aıaqtalady. Sonymen qatar, attestatsııadan jáne biliktilikti arttyrýdan ótken bizdiń ustazdar úshin qosymsha tólemder eskerilgen. Osy qosymsha tólemder men ústeme aqyny, jalaqyny ósirýdi eskere otyryp, aýyl mektebindegi pedagog ortasha eseppen 400 myń teńgege tarta alyp otyr», - dedi Ǵ. Beısembaev «Habar 24» arnasyna bergen suhbatynda.
Onyń aıtýynsha, 2021 jyldan beri 26 pedagog alǵash ret «Qazaqstannyń eńbek sińirgen ustazy» ataǵyn aldy. «Qazaqstannyń eńbek sińirgen ustazy» memlekettik nagradasy muǵalimderge úzdik jetistikteri men memleket aldyndaǵy erekshe eńbegi úshin beriledi. Joǵary ataqqa ıe bolǵan pedagog 1 000 AEK (shamamen 3 mln teńge) mólsherinde birjolǵy tólem alady.
«Munymen qosa, memleket úzdik pedagogtarǵa qoldaý kórsetip keledi. Úzdik muǵalim ataǵyn alǵan pedagogter 1 myń AEK somasynda syıaqa alady. Bul turǵyda osy qadamdar josparlaǵan nátıjege jetkizedi dep oılamyn. Osy oraıda memleket jasap jatqan qolaıly jaǵdaıdyń arqasynda bilimdi oqýshylardy tárbıeleýge múmkin bolady», - dedi vıtse-mınıstr.
