Joǵary turǵan, basshylyq sýdıalyq laýazymdarǵa kadr rezervinen 13 sýdıa shyǵaryldy

ASTANA. KAZINFORM – Kadr rezervinen 13 sýdıa shyǵaryldy. Bul úmitkerlerdiń óz laýazymdarynan joǵary turǵan ári basshylyq sýdıalyq laýazymdarǵa ornalsýǵa múmkindigi bar. Bul týraly QR Joǵary sot keńesi málim etti.

— Aýdandyq jáne oǵan teńestirilgen sot tóraǵasynyń, oblystyq jáne oǵan teńestiriligen sot tóraǵasynyń, sot alqalarynyń tóraǵalary men sýdıasynyń, Joǵarǵy Sot sýdıasy men sot alqalarynyń tóraǵalary laýazymdaryna kadr rezervin qalyptastyrý jáne onymen jumysty uıymdastyrý qaǵıdalarynyń 37-tarmaǵyna sáıkes joǵary turǵan jáne basshylyq sýdıalyq laýazymdarǵa kadr rezervinen 13 sýdıa shyǵaryldy, — delingen habarlamada.

Osy silteme boıynsha kadr rezervinen shyǵarylǵan adamdardyń tizimimen tanysýǵa bolady.

Myna silteme boıynsha joǵary turǵan jáne basshylyq sýdıalyq laýazymdarǵa kadr rezerviniń ózekti tizimimen tanysa alasyz.

Buǵan deıin habarlanǵandaı, sýdıaǵa qurmetsizdik tanytqan elorda turǵyny bes táýlikke qamaldy.