Joǵary tehnologııaǵa 1 mlrd dollar ınvestıtsııa tartý týraly baǵdarlama ázirleý qajet — Joldaý
ASTANA. KAZINFORM — Jańa ınvestıtsııalyq kezeńdi oıdaǵydaı bastaý mańyzdy. Bul týraly Prezıdent Qasym-Jomart Toqaev Qazaqstan halqyna Joldaýy barysynda aıtty.
— Ekonomıkamyzdyń joǵary tehnologııalyq salalaryna bir mıllıard dollarǵa deıin ınvestıtsııa tartý týraly baǵdarlama ázirleý qajet. Ony Úkimet Ulttyq bankpen birlesip daıyndaýǵa tıis. Jańa ınvestıtsııalyq kezeńdi oıdaǵydaı bastaý mańyzdy. Ekinshi dárejeli bankter naqty sektorǵa belsendi túrde qarjy salýy kerek. Bul másele qoǵamda baıaǵydan qyzý talqylanyp jatyr. Osy jumysty kóp sozbaı qolǵa alý qajet, — dedi Qasym-Jomart Toqaev.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.