Joǵarǵy sottyń 4 sýdıasy qyzmetinen bosatyldy

Senat Joǵarǵy sottyń 4 sýdıasyn qyzmetinen bosatty, dep Kazinform. 

Aıta ketý kerek, Qazaqstan Respýblıkasy Joǵarǵy sotynyń sýdıasy Erbol Ismaılovty, Aqyltaı Qasymovty, Alfııa Savınovany, Aıgúl Saparovany qyzmetinen bosatý usynysy buǵan deıin Senattyń Konstıtýtsııalyq zańnama, sot júıesi jáne quqyq qorǵaý organdary komıtetine kelip túsken.

Qazaqstan Respýblıkasy Joǵarǵy sot kenesiniń tóraǵasy Denıs Shıpp atalǵan sýdıalardyń nelikten qyzmetinen ketip jatqanyn baıandady.

«A.Savınova men A.Saparova zeınet jasyna jetti. Sýdıa A.Qasymov sýdıa laýazymynda bolýdyń shekti jasy – 67-ge jetip otyr. Bulardyń báriniń sýdıalyq jumysta úlken tájirıbesi bar – 26 jyldan 40 jylǵa deıin ótili bar. Sýdıa E.Ismaılov Joǵary Eýrazııalyq ekonomıkalyq keńestiń sheshimi boıynsha Eýrazııalyq ekonomıkalyq odaq sotynyń sýdıasy bolyp taǵaıyndalǵan», - dedi Denıs Shıpp.

Senat komıtettiń usynysyn maquldap, atalǵan tulǵalardy Joǵary sottyń sýdıalyǵynan bosatty.