Joǵary synyp oqýshylary kásibı mamandyqty meńgerip shyǵady – Májilis zańdy maquldady

ASTANA. KAZINFORM – Májilis Qazaqstan Respýblıkasynyń keıbir zańnamalyq aktilerine mádenıet jáne bilim berý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.

- 10 - 11 synypta oqıtyn oqýshylar úshin, mektep baǵdarlamasymen qatar, suranysqa ıe mamandyqtar boıynsha kəsibı daǵdylardy meńgerýge múmkindik berý týraly normalar usynyldy. Ol osyndaı múmkindigi bar jerlerde oqýshylardyń qalaýymen iske asyrylady, mindetti emes. Mysaly, aýdan ortalyqtarynda oqýshylar bir aýysymda oqıdy. Olar tústen keıin sol jerdegi kolledjge baryp, qosymsha jumysshy mamandyǵy boıynsha bilim alady. Santehnık, aspaz sııaqty mamandyqtar boıynsha grantpen túsip, tek qana profıldi pənderdi oqyp, osylaısha qysqartylǵan baǵdarlamamen naqty daǵdylardy ıgerip, qosymsha mamandyq alyp shyǵý úshin bul jaqsy múmkindik, - dedi Májilis depýtaty Ashat Aımaǵambetov atalǵan zań jobasyn tanystyra otyryp.

Halyq qalaýlysynyń aıtýynsha, 2022 jyldan bastap Oqý-aǵartý mınıstrligi 10-11 synyp oqýshylary úshin kəsiptik daıarlyq beretin pılottyq jobany iske asyryp jatyr.

Pılottyq joba aıasynda 17 óńirde 100-den astam mektep pen 40-tan astam kolledjde 16 túrli biliktilik boıynsha oqytý júrgizilýde. Joba aıasynda alǵashqy oń nətıjeler baıqalýda. Bıyl 700-den astam túlek jumysshy biliktiligin rastaıtyn qujat alady dep josparlanǵan jəne bul olardyń eńbek naryǵyna erkin enýine múmkindik beredi. Qazir pılottyq joba óziniń tıimdiligin dəleldedi, sondyqtan ony zańnamalyq túrde bekitý – baǵdarlamanyń turaqty jumys isteýine kepildik beredi.

Sondaı-aq zań jobasynda bilim berý uıymdaryndaǵy shtattyq qurylymnyń ashyqtyǵyn qamtamasyz etý máselesi de qarastyrylǵan.

- Zań jobasynda bilim berý uıymdaryna shtattyq birlikter men laýazymdar týraly aqparatty ózderiniń ınternet- resýrstarynda jəne biryńǵaı platformada jarııalaý mindeti engiziledi. Bul shara bilim berý salasyndaǵy ashyqtyqty qamtamasyz etip, qoǵam men pedagogter úshin kadrlyq saıasattyń aıqyndyǵyn arttyrady, - dep tolyqtyrdy halyq qalaýlysy.

Odan bólek zań jobasynda jarystarda ozat bolǵan oqýshylardyń ustazdaryna bir rettik syıaqy berýdi zańdastyrý máselesi qaralyp jatyr. 

Sonymen qatar zań jobasy aıasynda kitaphanalarda aqyly is-shara ótkizip, tabys tabýǵa ruqsat berilmek. 

Sol sııaqty jekemenshik mektepter ataýy onomastıkalyq komıssııanyń sheshimimen berilmek. 

Aıta ketsek, elimizde jekemenshik balabaqsha salýǵa jer berýge zańmen tyıym salý kózdelip otyr.