Joǵary laýazymdy tulǵalar qandaı múlki týraly aqparatty jarııalaýǵa mindetti
ASTANA. KAZINFORM – Salyq kodeksiniń 635-baby boıynsha eldegi joǵary laýazymdy tulǵalar 2024 jylǵy kirister men múlik týraly deklaratsııasyn 2025 jyldyń 15 qyrkúıegine deıin usynylýy kerek.
Sybaılas jemqorlyqqa qarsy is-qımyl agenttigi Kazinform saýalyna joldaǵan jaýapta múlkin kópshilikke jarııalaýǵa mindetti joǵary laýazym ıelerin, olardyń múlki týraly qandaı málimetterdi jarııalaýǵa mindetti ekenin aıtty.
- 2024 jylǵy tabystary men múlki týraly deklaratsııalardan alynǵan málimetter 2025 jyldyń sońyna deıin jarııalanýy tıis. Qazaqstan Respýblıkasy Prezıdentiniń 2015 jylǵy 29 jeltoqsandaǵy №150 Jarlyǵymen Memlekettik saıası jáne ákimshilik qyzmetshiler laýazymdarynyń tizilimi bekitildi, - delingen jaýapta.
Agenttik naqtylaǵan tizilimge sáıkes Premer-Mınıstr jáne onyń orynbasarlary, Prezıdent Ákimshiliginiń basshysy, Prezıdentke tikeleı baǵynatyn jáne esep beretin memlekettik organdardyń basshylary (Joǵarǵy sot tóraǵasy, Ulttyq bank tóraǵasy, Bas prokýror) saıası memlekettik qyzmetshiler sanalady.
Parlament Májilisi men Senatynyń tóraǵalary Parlament depýtattary sanalady («Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýtsııalyq zańnyń 9-babynyń 1-tarmaǵy).
Joǵarǵy sottyń tóraǵasy - sýdıa («Qazaqstan Respýblıkasynyń sot júıesi jáne sýdıalarynyń mártebesi týraly» Konstıtýtsııalyq Zańnyń 20-babynyń 1-tarmaǵy).
«Samuryq-Qazyna» Ulttyq ál-aýqat qory» AQ - kvazımemlekettik sektordyń sýbektisi.
- Osylaısha, atalǵan saıası memlekettik qyzmetshilerdiń, Parlament palatalary tóraǵalarynyń, Joǵarǵy sot tóraǵasynyń, «Samuryq-Qazyna» qory basqarma tóraǵasynyń deklaratsııalarynan málimetter jarııalanýǵa tıis, - deıdi vedostvodan.
Agenttik «Jarııalaýǵa jatatyn málimetter tizbesin bekitý týraly» buıryqtyń jobasyn ázirlep, memlekettik organdardyń, «Atameken» ulttyq kásipkerler palatasynyń maquldaýyn alǵan.
Sonymen, jarııalaýǵa jatatyn málimetter mynalar:
- jeke tulǵanyń óz betinshe salyq salýǵa jatatyn tabystary týraly aqparat;
- esepti salyq kezeńi ishinde, onyń ishinde Qazaqstan Respýblıkasynan tys jerlerde óteýsiz alynǵan múlikti (onyń ishinde aqshany) satyp alý jáne (nemese) alý týraly aqparat;
- esepti salyq kezeńi ishinde, onyń ishinde Qazaqstan Respýblıkasynan tys jerlerde ıelikten shyǵarý jáne (nemese) óteýsiz berilgen múlik týraly aqparat;
- Qazaqstan Respýblıkasynan tys ornalasqan sheteldik bankterdegi banktik shottardaǵy aqsha týraly aqparat;
- esepti salyq kezeńiniń 31 jeltoqsanyndaǵy jaǵdaı boıynsha jeke tulǵanyń menshik quqyǵyndaǵy múlik týraly aqparat;
- shet memlekettiń zańnamasyna sáıkes shet memlekettiń quzyretti organynda tirkelýge (esepke alýǵa) jatatyn múlikke;
- emıtentteri Qazaqstan Respýblıkasynan tys jerlerde tirkelgen baǵaly qaǵazdarǵa, tsıfrlyq aktıvterge;
- ınvestıtsııalyq altyn;
- Qazaqstan Respýblıkasynan tys jerde tirkelgen zańdy tulǵanyń jarǵylyq kapıtalyndaǵy qatysý úlesi.
- Bul rette, adamnyń JSN-in, onyń turǵylyqty jerin, jyljymaıtyn múlik obektileriniń ornalasqan mekenjaıyn jarııalaý kózdelmegen, óıtkeni bul derekter derbes derekterge jatady.
«Sybaılas jemqorlyqqa qarsy is-qımyl týraly» Zańnyń 11-babynyń 9-tarmaǵyna sáıkes atalǵan adamdardyń tabystary men múlki týraly deklaratsııalardan alynǵan málimetterdi Memlekettik organdardyń, uıymdardyń, Qazaqstan Respýblıkasy Parlamentiniń jáne Qazaqstan Respýblıkasy Joǵarǵy sotynyń personaldy basqarý qyzmetteri ózderiniń resmı ınternet-resýrstarynda ornalastyrady, - dep jazylǵan resmı jaýapta.
Eske salsaq, Qarjy mınıstri Mádı Takıev Úkimettiń keńeıtilgen otyrysynan keıin ótken baspasóz máslıhatynda tabys deklaratsııasyn jarııalaýǵa mindetti laýazym ıeleri qashan derekterin kópshilik nazaryna shyǵaratyny týraly pikir bildirgen edi.